T20 Cricket : सांगलीच्या कन्येचा आंतरराष्ट्रीय क्रिकेटमध्ये दबदबा; झेक रिपब्लिक देशासाठी श्रेयानं केली शानदार कामगिरी

सांगली : येथील श्रेया शहा (Shreya Shah) सध्या नोकरीनिमित्त झेक रिपब्लिक (यूके प्राग) येथे आहे. झेक रिपब्लिक (Czech Republic) या देशाकडून ट्वेंटी-ट्वेंटी क्रिकेट (T20 Cricket) खेळते. क्रोएशियाबरोबर झालेल्या युरोपियन चॅम्पियनशिपच्या पहिल्या सामन्यात तिला संघात खेळण्याची संधी मिळाली.

सामन्यात तिने उत्कृष्ट गोलंदाजी व क्षेत्ररक्षणही केले. त्या कामगिरीच्या जोरावर संघाने शानदार विजयही मिळवला. ती पोलाईट स्पोर्टस् क्लबची खेळाडू असून आणखी तीन सामने खेळणार आहे.

माजी रणजीपटू गणेश कुकडे यांच्यासह महाराष्ट्र क्रिकेट असोसिएशनचे खजिनदार संजय बजाज, नीलेश शहा, युसूफ जमादार, राहुल आरवाडे, चिकू कोठारी, अमित फार्णे, चेतन पडियार, विजय वावरे, सागर कोरे, धनंजय डुबल, विजय शिंदे, कपिल गस्ते यांचे मार्गदर्शन मिळाले. सांगलीच्या कन्येने परदेशात जाऊन आंतरराष्ट्रीय क्रिकेटमध्ये नावलौकिक प्राप्त केला आहे.