Sourav Ganguly : होकार देतोस की... कॅप्टन रोहितवर सौरव गांगुलीने केली दादागिरी, त्यावेळी नेमकं काय घडलं?

Sourav Ganguly Rohit Sharma Captaincy : भारतीय संघ यंदाच्या वनडे वर्ल्डकपमध्ये लीग स्टेजमध्ये तरी धमाकेदार कामगिरी करत आहे. रोहित शर्माच्या नेतृत्वाखालील संघाने लीग स्टेजमधील आपले 8 सामने जिंकले आहेत. पुढचा नेदरलँडविरूद्धचा सामना देखील भारत खिशात टाकले.

भारताच्या या कामगिरीनंतर रोहितच्या नेतृत्व गुणाची सर्वत्र चर्चा सुरू आहे. यादरम्यानच भारताचा माजी कर्णधार आणि माजी बीसीसीआ अध्यक्ष सौरव गांगुलीने एक खळबळजनक वक्तव्य केलं आहे. त्याने रोहित शर्मा भारतीय संघाचं नेतृत्व करण्यासाठी उत्सुक नव्हता. तो खूप आढेवेढे घेत होता असा दावा सौरव गांगुलीने केला.

सौरव गांगुली कोलकात्यातील एका टीव्ही चॅनलवर मुलाखतीत म्हणाला की, 'रोहित कर्णधारपद घेण्यास उत्सुक नव्हता. त्याला 100 वेळा तायर केलं तरी तो स्पष्टपणे होकार देत नव्हता. स्थिती अशी निर्माण झाली की मी त्याला म्हटलं की तू होकार दे नाही तर मी तुझं नाव जाहीर करून टाकणार. मी असं म्हणालो कारण तो उत्कृष्ठ कर्णधार आहे. त्याने कॅप्टन्सी घेतल्याचा फायदा तुम्ही पाहत आहातच.'

रोहित शर्मा का देत होता कॅप्टन्सीला नकार?

सौरव गांगुलीला रोहित शर्मा कॅप्टन्सीला का नकार देत होता असा प्रश्न देखील विचारण्यात आला. त्यावेळी त्याने, अनेक क्रिकेटिंग कारणं होती. कसोटी क्रिकेट, वनडे क्रिकेट, टी 20 क्रिकेट... त्याचा दबाव. आयपीएल संघाचा देखील तो कर्णधार आहे. त्याच्यावर खूप जबाबदारी होती. मात्र भारताचे नेतृत्व करण्यासाराखी दुसरी गोष्ट नाही. मी आनंदी आहे की त्याने ही जबाबदारी स्विकारली.'

(Sports Latest News)