एका षटकात तब्बल आठ षटकारासह पन्नास धावा; ऑस्ट्रेलिया क्रिकेट क्लबमधील रेकॉर्ड

ऑस्ट्रेलिया : एका षटकात जास्तीत जास्त ३६ धावा काढल्या जाऊ शकतात हे आपल्याला माहीत असेल आणि हा विक्रम अनेक क्रिकेटपटूंनी आपल्या नावावर देखील केला आहे. २००७ च्या T20 विश्वचषकाच्या दरम्यान इंग्लंडविरोधातील सामन्यात युवराज सिंगने ६ चेंडूत सहा षटकारासह ३६ धावा काढण्याचा विक्रम केला होता पण ६ चेंडूत तब्बल पन्नास धावा काढण्याचा विक्रम आपण पहिल्यांदाच ऐकला असेल. हा विक्रम एका ऑस्ट्रेलियातील क्रिकेटपटूने केला आहे. ऑस्ट्रेलिया क्रिकेट क्लबच्या सोरेंटो डनक्रेग सीनियर क्लब आणि किंग्सले-वुडवाले सीनियर क्लब या दोन संघादरम्यान होत असलेल्या सामन्यात सोरेंटो डनक्रेग सीनियर क्लबकडून खेळणारा फलंदाज सॅम हॅरिसन याने नाथन बेनेट च्या षटकात हा विक्रम आपल्या नावावर केला.

नाथन ने आपल्या षटकात मध्ये दोन नो बॉल टाकल्यामुळे हे षटक ८ बॉलचे झाले. षटकातील प्रत्येक चेंडूवर हॅरिसनने षटकार ठोकले. हा विक्रम सामन्यातील ३९ व्या षटकात झाला. याबरोबर नाथन बेनेट हा एका षटकात ५० धावा देणारा गोलंदाज ठरला. फलंदाजाने याबरोबर सामन्यात ह्या एका षटकात अर्धशतक ठोकले आणि शेवटच्या म्हणजे ४० व्या षटकात आपले शतक पूर्ण केले.

सोरेंटो डनक्रेग सीनियर क्लबने ४० षटकात बनवल्या २७६ धावा

सोरेंटो डनक्रेग सीनियर क्लबने सुरुवातीला फलंदाजी करत ४० षटकात २७६ धावा काढल्या त्यात दोन फलंदाजाचे शतक असून यामध्ये सॅम हॅरिसनच्या शतकाचा सामावेश आहे.

याअगोदरही एका षटकात ७७ धावांचा विक्रम झाला आहे.

हा विक्रम पहिल्या वेळेसच नाहीतर याअगोदरही न्यूझीलंडमध्ये एका फर्स्ट क्लास सामन्यात बर्ट वेंस या गोलंदाजाने आश्चर्यजनक ७७ धावा दिल्या होत्या. हा आत्तापर्यंतचा सर्वांत जास्त धावा बनवण्याचा विक्रम होता.