श्रीलंका विरुद्धच्या दुसऱ्या वनडे सामन्यात दीपक चाहरने गोलंदाजीनंतर फलंदाजीतील धमक दाखवून दिली. सामना श्रीलंकेच्या बाजूनं झुकतोय असे चित्र निर्माण झाले असताना भुवी आणि दीपक चाहरने पारडे पुन्हा भारताच्या बाजूने वळवले. दोघांनी आठव्या विकेटसाठी 67 + धावांची भागीदारी केली. (Sri Lanka vs India 2nd ODI Deepak Chahar Maiden International Fifty)
शेवटच्या षटकात 3 धावांची गरज असताना पहिल्याच चेंडूवर चौकार खेचत दीपक चाहरने संघाच्या विजयात मोलाचा वाटा उचलला. दीपक चाहरने भुवीच्या साथीने 84 धावांची भागीदारी केली. त्याने 7 चौकार आणि 1 षटकाराच्या मदतीने 82 चेंडूत 69 धावा केल्या. ज्यावेळी संयम दाखवण्याची गरज होती त्यावेळी त्याने शांत रहाणे पसंती केली. विजय दृष्टीक्षेपात आल्यानंतर त्याच्या भात्यातून फटकेबाजीही पाहायला मिळाली. आपल्यात एक ऑल राउंडर आहे हेच त्याने या सामन्यातील खेळीतून दाखवून दिले.
श्रीलंकेच्या सलामी जोडीने पहिल्या विकेटसाठी 77 धावांची खेळी करत कर्णधाराचा निर्णय सार्थ ठरवला. एम भानूकाच्या रुपात श्रीलंकेला पहिला धक्का बसला. तो 36 धावा करुन माघारी फिरला. अविष्काच्या 50 धावा, असलंकाची 65 धावांची खेळी आणि करुणारत्नने केलेल्या 44 धावांच्या नाबाद खेळीच्या जोरावर श्रीलंकेने निर्धारित 50 षटकात 275 धावांचे आव्हानात्मक लक्ष्य टीम इंडियासमोर ठेवले होते.
या धावांचा पाठलाग करताना भारताच्या डावाची सुरुवात खराब झाली. पृथ्वी शॉ 13, शिखर धवन 29 आणि ईशान किशन 1 धाव करुन बाद झाला. 3 बाद 65 धावा अशी बिकट अवस्था असताना मनिष पांडे आणि सूर्या कुमार यादव यांनी 40 धावांची भागीदारी केली. मनिष पांडे 37 धावा करुन परतल्यानंतर सूर्याने पहिले वहिले अर्धशतक पूर्ण केले. कृणाल पांड्याने 35 धावांची उपयुक्त खेळी केली. भारतीय संघाने 193 धावांत 7 विकेट गमावल्यामुळे श्रीलंकेचा संघ फ्रंटफूटवर होता. पण भुवी आणि दीपक चाहरने दमदार खेळी करत श्रीलंकेचे इरादने उधळून लावले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.