Suryakumar Yadav : सूर्याने इतिहास रचला! एका वर्षात हजारी मनसबदारी!

टी-20 मध्ये एका वर्षात इतक्या धावा करणारा पहिला भारतीय फलंदाज
Suryakumar Yadav
Suryakumar Yadavsakal

Suryakumar Yadav : भारतीय संघाचा स्टार फलंदाज सूर्यकुमार यादव आता सध्या अप्रतिम क्रिकेट खेळत आहे. गेल्या वर्षी भारतासाठी पदार्पण करणारा सूर्या टी-20 मध्ये संघाचा आघाडीचा फलंदाज बनला आहे. चौथ्या क्रमांकावर खेळताना त्याची बॅट सतत धावा करत आहे. T20 विश्वचषक स्पर्धेतही त्याने भारतासाठी अनेक शानदार खेळी खेळल्या आहेत.

झिम्बाब्वे विरुद्ध क्रिकेटच्या सर्वात लहान फॉरमॅटमध्ये सूर्यकुमार यादवने इतिहास रचला आहे. सूर्यकुमार यादव आता टी-20 आंतरराष्ट्रीय क्रिकेटमध्ये एका वर्षात 1000 धावा करणारा भारताचा पहिला फलंदाज ठरला आहे. त्याच्या आधी एका वर्षात भारतासाठी असा पराक्रम इतर कोणत्याही फलंदाजाने केला नव्हता.

Suryakumar Yadav
Suryakumar Yadav : 'सूर्या' अभी जिंदा है! मोठ्या पडझडीनंतर भारताला सावरले

जागतिक क्रिकेट मध्ये सूर्यकुमार यादव एका वर्षात 1000 धावा करणारा दुसरा फलंदाज ठरला आहे. त्याच्या आधी 2021 साली पाकिस्तान क्रिकेट संघाचा सलामीचा फलंदाज मोहम्मद रिझवानने ही कामगिरी केली होती. एवढेच नाही तर 2022 मध्ये तो टी-20 आंतरराष्ट्रीय क्रिकेटमध्ये 1000 धावा पूर्ण करणारा जगातील पहिला फलंदाज बनला आहे.

Suryakumar Yadav
IND vs ZIM T20 Live : सूर्याचा जलवा! भारताने झिम्बाब्वेला दिले 187 धावांचे आव्हान

सूर्यकुमार यादवने झिम्बाब्वेविरुद्ध शानदार खेळी खेळत अवघ्या 23 चेंडूत अर्धशतक पूर्ण केले. या सामन्यात त्याने 24 चेंडूत 3 षटकार आणि 6 चौकारांसह नाबाद 55 धावा केल्या. या सामन्यात केएल राहुलच्या अर्धशतकी खेळीमुळे भारतीय संघाने 101 धावांवर 4 विकेट गमावल्या होत्या, परंतु सूर्यकुमारने पुन्हा आपल्या खेळीने भारतीय संघाला सांभाळण्याचे काम केले. त्याच्या या खेळीच्या जोरावर भारताने 20 षटकांत 5 गडी गमावून 180 धावा केल्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com