Team India Enjoys Dinner British Raj restaurant : भारतीय संघ गुरुवारी टी-20 विश्वचषकाच्या दुसऱ्या उपांत्य फेरीत इंग्लंडविरुद्ध खेळणार आहे. टीम इंडियाने सुपर-12 फेरीतील ग्रुप-2मधील पाचपैकी चार सामने जिंकून सेमीफायनलमध्ये प्रवेश केला आहे. अॅडलेडमध्ये इंग्लंडविरुद्धच्या धमाकेदार सामन्यापूर्वी टीम इंडिया 'ब्रिटिश राज'मध्ये पोहोचली.
अॅडलेडमधील एका रेस्टॉरंटचे नाव 'ब्रिटिश राज' आहे. भारतीय संघाने येथे रात्रीच्या जेवणाचा आनंद लुटला. ऑस्ट्रेलियाच्या भूमीवर पाऊल ठेवल्यापासून टीम इंडियाला सतत प्रवास करावा लागत आहे. आता टी-20 विश्वचषक अंतिम टप्प्यात आहे. स्पर्धेचे फक्त तीन सामने बाकी आहेत. टीम इंडियाच्या खेळाडूंनी सामन्यापूर्वी भारतीय रेस्टॉरंटमध्ये आपले आवडते पदार्थ खाल्ले.
बीसीसीआयच्या एका वरिष्ठ अधिकाऱ्याने पीटीआय या वृत्तसंस्थेला सांगितले की, मोठ्या स्पर्धेत संघाला विश्रांती घेण्याची आणि दबावापासून दूर जाण्याची फारशी संधी मिळाली नाही. सामन्यांमध्ये वेळ फारसा गेला नाही. ऑस्ट्रेलियालाही बरीच उड्डाणे घ्यावी लागत आहे, त्यामुळे अॅडलेडमधील तीन दिवस आरामात गेले. खेळाडूंनी त्यांच्या पत्नी आणि मैत्रिणींसोबत डिनरचा आनंद लुटला.
रोहित शर्माच्या नेतृत्वाखाली टीम इंडिया गुरुवारी मैदानात उतरेल, तेव्हा तिची नजर फायनलच्या तिकीटावर असेल. जर भारताने उपांत्य फेरीत इंग्लंडला पराभूत केले तर ते तिसऱ्यांदा T20 विश्वचषकाच्या अंतिम फेरीत पोहोचतील. 2007 मध्ये त्याने विजेतेपदाच्या सामन्यात पाकिस्तानचा पराभव केला होता. त्याचवेळी 2014 मध्ये टीम इंडियाला श्रीलंकेकडून पराभवाचा सामना करावा लागला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
