Virat Kohli : कोणतीही ट्रॉफी तुझे फुटबॉलमधील योगदान... कोहलीने रोनाल्डोसाठी लिहिली भावनिक पोस्ट

Virat Kohli Emotional Post For Cristiano Ronaldo : मोरोक्कोने फिफा वर्ल्डकप क्वार्टर फायनलमध्ये पोर्जुगालचा 1 - 0 असा पराभव करत त्यांचे पॅकअप केले. पोर्तुगालचा कर्णधार ख्रिस्तियानो रोनाल्डोचा हा शेवटचा वर्ल्डकप असण्याची शक्यता आहे. त्यामुळे सध्याच्या फुटबॉल विश्वातील महान फुटबॉलपटूंमधील एक रोनाल्डोचे वर्ल्डकप जिंकण्याचे स्पप्न अधुरेच राहणार आहे. कदाचित रोनाल्डोचा हा पोर्तुगालकडून शेवटचा सामना देखील ठरू शकतो. याच पार्श्वभूमीवर भारताचा माजी कर्णधार विराट कोहलीने इन्स्टाग्रामवर रोनाल्डोसाठी एक भावनिक पोस्ट लिहित त्याचे कौतुक केले.

विराट कोहली ख्रिस्तियानो रोनाल्डोसाठी लिहिल्या आपल्या पोस्ट मध्ये म्हणतो की, 'कोणतीही ट्रॉफी किंवा टायटल तू जे फुटबॉलसाठी आणि जगभारातील चाहत्यांसाठी जे काही केलंस ते तुझ्यापासून हिरावून घेऊ शतक नाही. ज्यावेळी तुला खेळताना मी किंवा जगभरातील इतर लोकं जी अनुभूती घेत होते. तू जो प्रभाव पाडत होतास ते एखाद्या टायटलपूरतं मर्यादित नाहीये. हे एक देवाकडून मिळाले गिफ्ट आहे. प्रत्येकवेळी आपल्या ह्रदयापासून खेळणाऱ्या खेळाडूला मिळालेला हा आशीर्वाद आहे. तुझी कष्ट करण्याची पद्धत, समर्पण ही कोणत्याही खेळाडूसाठी एक प्रेरणा आहे. तू माझ्यासाठी सर्वकालीन महान खेळाडू आहेस.'

विराट कोहली आणि ख्रिस्तियानो रोनाल्डोमध्ये अनेक बाबतीत समानता आढळून येते. दोघेही आपल्या फिटनेसवर खूप कष्ट घेतात. खेळताना खूप इन्टेंसिटीने खेळत असतात. ज्याप्रमाणे दैवी देणगी लाभलेला लिओनेल मेस्सी आणि कष्ट आणि समर्पणातून सर्वोच्च स्थानी पोहचलेला रोनाल्डो यांची तुलना होते. तशाच प्रकारची तुलना ही विराट कोहली आणि रोहित शर्मामध्ये कधीकाळी केली जायची. विराट कोहली देखील महान खेळाडू आहे. मात्र त्यालाही भारताला अजून पर्यंत आयसीसी ट्रॉफी जिंकून देता आलेली नाही. तसेच आरसीबीला देखील तो आयपीएल टायटल जिंकून देऊ शकलेला नाही. त्यामुळे विराटने या पोस्टद्वारे आपल्या मनातील भावना देखील बोलून दाखवल्याचे बोलले जात आहेत.

हेही वाचा : सीमावादात रक्त सांडायला मराठी माणूसच का?