IPL मधून बाहेर पडताच विराट कोहलीचा चाहत्यांसाठी भावुक मेसेज

रॉयल चॅलेंजर्स बंगलोर आयपीएल 2022 मधून बाहेर पडणारा 8 वा संघ ठरला आहे. आरसीबीने या हंगामात एकूण 16 सामने खेळले. त्यापैकी 9 जिंकले आणि 7 सामने हारले. राजस्थान विरुद्ध पराभव स्विकारल्यानंतर विराट कोहलीने चाहत्यांसाठी भावुक मेसेज केला आहे. त्याची ती पोस्ट सोशल मीडियावर चर्चेचा विषय ठरत आहे.

आयपीएल स्पर्धेतीतून आरसीबी बाहेर पडताच विराट कोहलीने सोशल मीडियाद्वारे चाहत्यांचे आभार मानलं आहेत. यासोबत त्याने भावुक मेसेजदेखील केला आहे. चाहत्यांमुळं स्पर्धा खास ठरत असते. असे त्याने पोस्टमध्ये म्हटलं आहे.

“कधी कधी तुम्ही जिंकता, तर कधी नाही, पण 12 वी मॅन आर्मी, तुम्ही अप्रतिम आहात, आमच्या मोहिमेदरम्यान आम्हाला नेहमीच पाठिंबा दिला. तुम्ही क्रिकेटला विशेष बनवता. शिकणे कधीही थांबत नाही,” अशी आशयाची पोस्ट ३३ वर्षीय विराटने केली आहे. तसेच, आयपीएल 2022 च्या मोहिमेतील फोटो देखील त्याने पोस्ट केले आहेत.

यंदाच्या सीझनमध्ये कोहलीने १५ सामने खेळले आहेत. त्याने आत्तापर्यंत ३३४ धावा केल्या आहेत. त्याने केवळ २ अर्धशतके झळकावली आहेत. तर तीनवेळा तो गोल्डन डकवर आऊट झाला आहे. विराटने आयपीएल कारकिर्दीत आत्तपर्यंत २२२ सामने खेळले आहेत. त्याने यादरम्यान, ६६६१७ धावा केल्या आहेत. यामध्ये ५ शतक तर ४४ अर्धशतके ठोकले आहेत.