Virat Kohli IND vs AUS 2nd Test : घरच्या मैदानावर शतकी खेळी येणार; विराटच्या मेहनतीला तोड नाही!

Virat Kohli IND vs AUS 2nd Test
Virat Kohli IND vs AUS 2nd Test esakal

Virat Kohli IND vs AUS 2nd Test : भारताचा माजी कर्णधार विराट कोहली बऱ्याच काळानंतर आपल्या घरच्या मैदानावर, दिल्लीच्या अरूण जेटली स्टेडियमवर कसोटी सामना खेळणार आहे. विराट कोहलीने आपला शतकांचा दुष्काळ संपवत टी 20 आणि वनडेमध्ये शतक झळकावले. मात्र जेव्हापासून विराट बॅडपॅचमधून बाहेर आला आहे त्याने कसोटीत शतकी खेळी केलेली नाही.

विराटच्या बॅटमधून शेवटचे 27 वे कसोटी शतक हे 22 नोव्हेंबर 2019 बांगलादेश विरूद्ध आले होते. आता त्याला दिल्लीच्या घरच्या मैदानावर आपला तब्बल 3 वर्षांचा कसोटी शतकाचा दुष्काळ संपवण्याची संधी आहे. तो यासाठी मोठी मेहनत देखील घेत आहे.

Virat Kohli IND vs AUS 2nd Test
Ranji Trophy Final : 'दादा'ला जमलं नाही ते मंत्री तिवारी करून दाखवणार; तीन दशकांचा 'बंगाल दुष्काळ' संपणार?

विराट कोहलीने बराचवेळ नेटमध्ये फलंदाजी केली. याचबरोबर त्याला डावखुरा फिरकी गोलंदाज खेळण्यात थोडी अडचण निर्माण होते. त्यामुळे विराट कोहलीने रफ पॅच असलेल्या खेळपट्टीवर उत्तर प्रदेशचा प्रथम श्रेणी क्रिकेटमधील डावखुरा फिरकी गोलंदाज सौरभ कुमारला नेट बॉलर म्हणून पाचारण करण्यात आले.

सौरभच्या गोलंदाजीने विराट कोहलीला चांगलेच दमवले. टप्पा घेतल्यानंतर जास्त उसळी न घेणाऱ्या चेंडूवर विराट कोहलीला अडचण निर्माण होत होती. विराट कोहलीने पुलकीत नारंग आणि ऋतिक शौकीन यांच्या गोलंदाजीवर देखील फिरकीचा कसून सराव केला.

Virat Kohli IND vs AUS 2nd Test
केंद्रीय मंत्र्याची बॅटिंग, बॉल थेट भाजप नेत्याच्या डोक्यात; गाठला दवाखाना, Video होतोय Viral

विराट कोहलीने फलंदाजीसोबतच आपल्या फिल्डिंगवर देखील भरपूर काम केले. पहिल्या सामन्यात विराट कोहलीने स्लीपमध्ये उभा असताना फिरकी गोलंदाजीवर अनेक झेल सोडले होते. विराट कोहली हा टीम इंडियातील सर्वोत्तम क्षेत्ररक्षकांपैकी एक क्षेत्ररक्षक आहे. त्यामुळे त्याच्याकडून झेल सुटल्याने सर्वांनी आश्चर्य व्यक्त केले होते. दिल्ली कसोटीपूर्वी विराट कोहलीने स्लीप फिल्डिंगचा देखील सराव केला.

(Sports Latest News)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com