IND vs PAK World Cup 2023 : लाल की काळी माती; नरेंद्र मोदी स्टेडियमची खेळपट्टी कोणाला देणार साथ?

IND vs PAK World Cup 2023
IND vs PAK World Cup 2023esakal

IND vs PAK World Cup 2023 : भारत आणि पाकिस्तान यांच्यातील हाय व्होल्टेज सामन्याला आता अवघे काही तास शिल्लक आहेत. भारत आणि पाकिस्तान यांच्यातील हा सामना नरेंद्र मोदी स्टेडियमवर होणार असून हे जगातील सर्वात मोठं स्टेडियम आहे.

यंदाच्या वर्ल्डकपमधील एक सामना नरेंद्र मोदी स्टेडियमवर झाला आहे. इंग्लंड आणि न्यूझीलंड यांच्यातील या सामन्यात धावांचा पाऊस पडला. डेवॉन कॉन्वे आणि रचिन रविंद्र यांनी शतकी खेळी केली. तत्पूर्वी इंग्लंडने प्रथम फंलादाजी करताना 283 धावा केल्या होत्या. मात्र न्यूझीलंडने हे आव्हान 14 षटके राखूनच पार केलं.

IND vs PAK World Cup 2023
World Cup 2023 : विजयाच्या हॅटट्रिकसाठी न्यूझीलंड सज्ज ; जाणून घ्या काय असेल टीम प्लॅन !

भारत आणि पाकिस्तान यांच्यातील सामन्यादरम्यान देखील याच धाटणीची खेळपट्टी असणार आहे. त्यामुळे या हाय व्होल्टेज सामन्यात गोलंदाजांसाठी देखील उत्साहवर्धक वातावरण असेल. भारत आणि पाकिस्तान या दोघांनी आपले दोन्ही सामने जिंकून वर्ल्डकपची धडाक्यात सुरूवात केली आहे. मात्र 14 ऑक्टोबरला या दोन पैकी एका संघाची विजयी घोडदौड थांबणार आहे.

दरम्यान, दोन्ही संघ अहमदाबादमध्ये पोहचले असून त्यांनी नेट्समध्ये सराव देखील केला. भारतीय गोटातून एक चांगली बातमी आली आहे. शुभमन गिलने डेंग्यूमधून सावरल्यानंतर नेटमध्ये सराव केला आहे.

नरेंद्र मोदी स्टेडियमवर फलंदाज गाजवणार वर्चस्व?

नरेंद्र मोदी स्टेडियमवरील खेळपट्टी ही धावांसाठी ओळखली जाते. या मैदानावर झालेल्या बऱ्याच सामन्यात फलंदाजांनीच वर्चस्व गातवलं आहे. याचं ताजं उदाहरण म्हणजे इंग्लंड - न्यूझीलंड सामना! या सामन्यात वेगवान गोलंदाजांना सुरूवातीला जास्त स्विंग आणि बाऊन्स मिळाला, मधल्या षटकात फिरकीपटूंनाही देखील मदत मिळाली.

मात्र असे असले तरी देखील फलंदाजांनी देखील चांगला फटकेबाजी केल्याचे दिसून आले. एकंदर नरेंद्र मोदी स्टेडियमवरील खेळपट्टी ही सर्वांसाठी काही ना काही ऑफर करते. त्यामुळे सामना नक्कीच रोमांचक होणार.

IND vs PAK World Cup 2023
IND vs PAK : अहमदाबादचे ‘रण’ तापू लागले; भारतीय क्रिकेट संघ दाखल; शुभमन गिलकडूनही सराव सुरू

आकडेवारी काय सांगते?

नरेंद्र मोदी स्टेडियमवर आतापर्यंत 29 वनडे सामने खेळवले गेले आहेत.

त्यातील प्रथम फलंदाजी करणारा संघ 17 वेळा जिंकला आहे.

दुसऱ्यांदा फलंदाजी करणारा संघ 13 वेळा जिंकला आहे.

या खेळपट्टीवर पहिल्या डावात सरासरी 237 धावा होतात.

(Sports Latest News)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com