फोटोतला 'बच्चा' टीम इंडियातला हिरो; कतरिना आधी उरकलं लग्न

बॉलिवूड अभिनेत्री कतरिना कैफ (Katrina Kaif) सध्या चांगलीच चर्चेत आहे. नुकतेच विकी कौशलशी (Vicky Kaushal) विवाहबद्ध झालेल्या कतरिनाचे फोटो सोशल मीडियावर तुफान व्हायरल होत आहेत. यात तिचा एक जुना फोटो सोशल मीडियावर सर्वांचे लक्ष वेधून घेत आहेत. कतरिनाचा जो फोटो व्हायरल (katrina kaif viral photo) होत आहे त्यात ती रॉयल चॅलेंजर्स बंगळुरुच्या जर्सीत दिसत आहे. आणि या फोटो चर्चेत येण्यामागचं कारण आहे त्या फोटोत दिसणारा मुलगा. (Katrina Kaif With Indian Cricketer Photo Goes Viral )

आयपीएलच्या (IPL) सुरुवातीच्या हंगामात 2008 मध्ये कतरिना कैफ (Katrina Kaif) रॉयल चॅलेंजर्स बंगळुरुची (RCB) ब्रँड अ‍ॅम्बेसेडर होती. यावेळी ती प्रत्येक सामन्यात आरसीबीच्या संघाला चीअर अप करण्यासाठी स्टेडियममध्ये दिसायची. विजय माल्या आणि सिद्धार्थ माल्या यांच्यासोबत आल्यानंतर ती चांगलीच चर्चेतही आली होती. याच दरम्यान जसप्रीत बुमराही (jasprit bumrah) बंगळुरुच्या संघाला प्रोत्साहन करताना दिसले होते. कतरिना संघाला चेअर करत असतानाचा जो फोटो व्हायरल होतोय त्यात बुमराही दिसतोय. 2013 मध्ये बुमराहने आयपीएलमध्ये पदार्पण केले. सुरुवातीपासूनच तो मुंबई इंडियन्ससोबत आहे.

व्हायरल फोटोत दिसणारा बच्चा बुमराह केवळ मुंबई इंडियन्सचा नव्हे तर टीम इंडियाचाही प्रमुख गोलंदाज आहे. फोटोत तो छोटा दिसत असला तरी कतरिनाच्या अगोदरच तो विवाहबद्ध झाला आहे. याच वर्षी 15 मार्च रोजी बुमराहने स्पोर्ट्स अँकर आणि मॉडेल संजना गणेशन हिच्यासोबत लग्न केले होते. कतरिना आणि बुमराह यांच्या वयात खूप अंतर असल्याचे व्हायरल फोटोमध्ये दिसून येते. सध्याच्या घडीला बुमराह 28 वर्षांचा आहे. दुसरीकडे कतरिना कैफ 38 वर्षांची आहे. दोघांच्या वयात दशकभराचे अंतर आहे. कमालीचा योगायोग म्हणजे बुमरहा आणि कतरिना यांचे लग्न याच वर्षी झाले.