Healthy Food : एक-दोन नव्हे तर अनेक आजारांची सुट्टी करतो हा मसाला, प्रयोग करून तर बघा

Healthy Food :

आपल्या किचनमध्ये असलेले अनेक पदार्थ आपल्या आरोग्याची काळजी घेण्यासाठीच बनवले गेले आहेत. निसर्गाच्या सानिध्यात राहून आपल्या पुर्वजांनी शोधलेले मसाले आपल्या जेवनाचा अन् आरोग्याचा स्वाद वाढवतात.

असाच एक मसाला आहे ज्याचा तुम्हाला अनेक प्रकारे फायदा होऊ शकतो. तो मसाला आहे वेलची. वेलची आपण मसाले भात, बिर्याणीत अखंड वापरतो. तर, चहा, गोड पदार्थात तिची पावडर वापरली जाते.  

वेलचीला ग्रामिण भागात वेलदोडा असेही म्हणतात. ती अनेक औषधी गुणधर्मांनी समृद्ध असून ती आरोग्यासाठी खूप फायदेशीर मानली जाते. आयुर्वेदानुसार, वेलचीमध्ये खनिजे आढळतात, जे रोगांना दूर ठेवण्यास आणि शरीरातील अनेक समस्या दूर करण्यास मदत करतात.

भारतात चहा असो, बिर्याणी असो किंवा कोणतीही भाजी असो, प्रत्येक गोष्टीत त्याचा वापर केला जातो. वेलचीमध्ये व्हिटॅमिन ए, बी, व्ही आणि अँटीऑक्सिडंट्स आढळतात. हे रक्तातील मुक्त रॅडिकल्सशी लढते आणि शरीर निरोगी ठेवण्यास मदत करते.

मधुमेहावर नियंत्रण येते

वेलचीमध्ये असे अनेक गुणधर्म आढळतात, जे रक्तातील साखर नियंत्रित ठेवण्यास मदत करतात. हे शरीरातील मधुमेहाची पातळी राखण्यासाठी आणि वाढण्यापासून रोखण्यासाठी खूप मदत करते.

 वेलची शरीरातील ग्लुकोजची पातळी नियंत्रित ठेवण्याचे काम करते. यामुळे ग्लायसेमिक इंडेक्स संतुलित राहतो. त्यामुळे मधुमेहावरही नियंत्रण मिळवता येते.

वजन कमी करते

वेलचीमध्ये अनेक थर्मोजेनिक गुणधर्म असतात. ज्यामुळे शरीराचे तापमान वाढते. यामुळे शरीरातील चयापचय गतिमान होते आणि कॅलरीज बर्न होतात.

दुर्गंधी पासून आराम

वेलचीमध्ये अनेक अँटी-मायक्रोबियल गुणधर्म आढळतात. जे बॅक्टेरिया नियंत्रित करतात. याचे सेवन केल्याने श्वासाच्या दुर्गंधीपासून आराम मिळतो.

रक्तदाबावर नियंत्रण येते

वेलचीमध्ये आढळणाऱ्या पोटॅशियमच्या मदतीने ते रक्तदाब सामान्य ठेवण्यास मदत करते. हे उच्च रक्तदाब नियंत्रित ठेवण्याचे काम करते.

युरिन इन्फेक्शन

असे अनेक गुणधर्म वेलचीमध्ये आढळतात, जे लघवीचे प्रमाण वाढवणारे असते. लघवीचे प्रमाण वाढले की त्याद्वारे शरीरातील विषारी पदार्थ बाहेर टाकण्यास मदत होते. युरिन इन्फेक्शन कमी करण्याचे काम करते.