Stress Management : जबाबदाऱ्यांच्या ओझ्याखाली कोमेजतायेत महिला, अभ्यासातून समोर | Sakal
sakal

बोलून बातमी शोधा

Indian Women

Stress Management : जबाबदाऱ्यांच्या ओझ्याखाली कोमेजतायेत महिला, अभ्यासातून समोर

Stress in Women : घरच्या स्त्रीच्या खांद्यावर संपूर्ण कुटुंबाची जबाबदारी असते. ती कोलमडली तर, कुटुंबाचा संपूर्ण डोलाराच कोसळतो. आपल्या देशातील चित्र भीतीदायक आहे. एका अहवालानुसार भारतीय महिला आणि मातांना नेमका तणाव का येतो यामागचं कारण आता स्पष्ट झालं आहे. अहवालात सांगितल्यानुसार 82 टक्के महिलांना स्वत:ला द्यायला निवांत क्षण नाहीत. तर, 87 टक्के महिलांनी बहुतांश वेळा तणावाचा सामना केला आहे. त्यात भारतीय महिला कोमजल्या आहेत.

हेही वाचा: Woman Empowerment : मोफत पिठाची गिरणी हवीये? असा करा अर्ज

काय आहेत महिलांच्या तणावाची कारणं?

सासरी तडजोड करणं

कोणत्याही मुलीचं आयुष्य लग्नानंतर 360 अंशानं बदलतं. एका नव्या कुटुंबासोबत ताळमेळ साधतांना महिलांची कसोटी पाहिली जाते. अहवालानुसार 25 ते 45 महिला या परिस्थितीचा सामना करतात.

हेही वाचा: Woman Power : विदर्भात एका विभागीय आयुक्तासह पाच महिला जिल्हाधिकारी

नोकरी आणि कुटुंबाची जबाबदारी

कुटुंब आणि नोकरीमध्ये समतोल साधण्यासाठीसुद्धा महिलांवर प्रचंड दडपण येतं. अनेकदा त्यांचे पाय जबाबदाऱ्यांच्या बेडीत अडकतात, तर अनेकदा नोकरी डोळ्यासमोर उभी ठाकते.

हेही वाचा: Womans Day 2021 : रुपालीच्या यशस्वी बिझनेसचा 'अंडे का फंडा'; मोठ्या पगाराच्या नोकरीला दिला नकार

बाळासाठीचं दडपण

लग्नानंतर महिलांवर आणखी एका गोष्टीचा दबाव. किंबहुना दडपण असतं. ते म्हणजे बाळाचा जन्म. बाळाची प्लानिंग कधी, घाई करा, लग्नाला किती वर्षे झाली आता मुल पाहिजे.. या अशा अपेक्षांचं महिलांना प्रचंड दडपण येतं. पुढे बाळाच्या जन्मानंतर एका नव्या पर्वाला अनुभवतानाही त्यांची दमछाक होते. मुलांच्या संगोपनावरूनही त्यांच्यावर अनेकदा टीकेची झोड उठते. यामुळं त्यांचं प्रचंड मानसिक खच्चीकरण होतं.

हेही वाचा: woman's day 2021 : लग्नानंतर घरी बसलेलं चालणार नाही, RJ Shonali सांगितला सासूबाईंचा किस्सा

घरात काय पदार्थ बनणार, सण- उत्सव कसे पार पडणार, मुलांचं भवितव्य काय असणार इथपासून पैशांची जुळवाजुळव, पतीचा आनंद आणि अशा असंख्य गोष्टी महिलांच्या आयुष्यात आणि त्यांच्या डोक्यात सातत्यानं सुरु असतात. ज्यामुळं दर दिवशी, क्षणोक्षणी नाही म्हटलं तरी त्या तणावाखाली असतात.

टॅग्स :stresswomen