Overuse Of Internet: हे युग इंटरनेटचे आहे. आज ‘फाइव्ह-जी’मुळे इंटरनेटचा अतिवापर वाढला आहे. यापुढे तो वाढतच राहणार आहे. त्यामुळे लहानांपासून मोठ्यांपर्यंत सर्वांनाच मोबाइलचे व्यसन लागले. मात्र, इंटरनेटच्या वाढत्या वापरामुळे त्याचे धोकेही हळूहळू लक्षात येत आहेत.
यामुळे शारीरिक आणि मानसिक समस्या उद्‍भवत आहेत. मोबाइल आणि इंटरनेटच्या अतिवापरामुळे लहान मुलांच्या मनावरही दुष्परिणाम होत आहेत. यामध्ये डोळ्यांवर ताण, अपुरी झोप, लठ्ठपणा आणि मानसिक आरोग्यावर परिणाम होत आहेत, असे निरीक्षण डॉ. जागृती तुषार निकम यांनी नोंदविले.