Janhavi Kapoor : जान्हवी कपूर रोज सकाळी एक चमचा तूप का खाते?

तूप खाण्याने रूप येतं नसतं असं म्हणतात. पण विचार केला तर खरंच असं होतं का?, याबद्दल साशंकताच आहे. डायट करणारे लोक तर तूपासापून चार हात लांबच असतात. कारण, साधारणपणे तुपाचे नाव घेताच वजन वाढण्याचा विचार लोक करतात.

इतकेच नाही तर अनेक लोक तुपाचे सेवन आरोग्यासाठी हानिकारक मानतात. पण, तुम्हाला माहीत आहे का की, जेवणाची चव वाढवण्यासोबतच तुमची त्वचा आणि तंदुरुस्ती चांगली ठेवण्यासही तूप मदत करू शकते?

एका मुलाखतीत अभिनेत्री जान्हवी कपूरने सांगितले की ती रोज सकाळी एक चमचा तूप खाते. यामुळे फिटनेस आणि सौंदर्य अधिक खुलून दिसते. मी रोज सकाळी रिकाम्या पोटी एक चमचा देशी तूप खाते. त्यानंतरच मी दिवसाची सुरूवात करते. चला तर मग जाणून घेऊया तुपाचा आपल्या आरोग्याला किती फायदा होतो.

न्यूट्रिशनिस्ट भक्ती अरोरा कपूर यांनीही जान्हवीच्या या वक्तव्याला दुजोरा दिला आहे. त्यांनी तूपाने आपल्या शरीराला काय फायदा होतो हे सांगितले आहे.

- तूप तुमच्या त्वचेच्या आरोग्यासाठी खूप फायदेशीर आहे. तूपामध्ये असलेले नैसर्गिक डिटॉक्सिंग पॉवर आहे जी तुमच्या पचनक्रियेला मदत करते. पोट साफ होण्यास मदत करते

- तूप हे फिलर म्हणून काम करते आणि तुम्हाला जास्त काळ पोट भरल्यासारखे वाटण्यास मदत करते. यामुळे तुमची हाडांची ताकद आणि उपाशी राहण्याची क्षमता वाढते.

- हे आतड्यांतील एन्झाईम्सचे नैसर्गिक उत्सर्जन वाढवते ज्यामुळे पचनशक्ती सुधारते. एकाग्रता आणि मेंदूचा विकास होण्यातही तूप फायदेशीर आहे.