Men’s Health : महिलांप्रमाणे पुरुषांनीही मॅनिक्युअर अन् पेडिक्युअर करावं, पुरुषांसाठी फायद्याचं

Men’s Health : बाहेर पडताच उन्हामुळे त्वचा डॅमेज होण्याची शक्यता वाढते. महिला त्वचेशी संबंधित समस्या सोडवण्यासाठी बरेच उपाय करत असतात. मात्र बहुतांश पुरुष त्वचेची काळजी घेत नाही. त्वचेची देखभाल ही त्यांची फर्स्ट प्रायोरिटी कधीच नसते. त्यामुळे त्यांच्या हातापायांची त्वचा टॅन आणि डॅमेज होऊ लागते. तेव्हा पुरुषांनीसुद्धा त्यांच्या त्वचेची काळजी घेणे महत्वाचे आहे. आज आपण त्याबाबत सविस्तर जाणून घेऊया.

पुरुषांनी मॅनिक्युअर आणि पेडिक्युअर करण्याचे फायदे

मॅनिक्युअर आणि पेडिक्युअरच्या मदतीने तुमच्या हाता पायांत आणि बोटांमध्ये असलेली धुळ बाहेर काढण्यास मदत होते. सोबतच हातांवर आणि पायांवर बसलेल्या बॅक्टेरियाने इंन्फेक्शनचा होण्याचा धोकाही कमी होतो. असे करण्यासाठी हात आणि पायांना कोमट पाण्यात 10-15 मिनिटे ठेवा. या पाण्यात तुम्ही लॅवेंडर ऑइलसुद्धा टाकू शकता. (Men)

हातापायांच्या नखांचीही काळजी घेता येते

अनेकदा धक्का लागून किंवा जखमेमुळे नखे तुटतात. अशावेळी इन्फेक्शन होण्याचा धोका वाढतो. मात्र जेव्हा तुम्ही मॅनिक्युअर किंवा पेडिक्युअर करता तेव्हा तुमची नखे ट्रिम असतात आणि ती तुटण्याची शक्यता कमी होते. मॅनिक्युअर आणि पेडिक्युअरच्या मदतीने तुम्ही नखांच्या आतील मळसु्द्धा स्वच्छ करू शकता.

पायांची दुर्गंधी दूर होते

पुरुष कायम ऑफिसमध्ये शूज आणि सॉक्स घालून जातात. त्यामुळे अनेकांच्या पायांतून घाण वास येऊ लाकतो. अधिक काळ शूज घातल्याने पायात बॅक्टेरिया वाढण्याचा धोका वाढतो. पेडिक्युअर केल्याने पुरुषांच्या पायांमधील दुर्गंधी दुर होते तसेच हायजिनही मेंटेन राहाते. (Lifestyle)

स्ट्रेस लेव्हल कमी होते

पेडिक्युअर केल्याने तुमच्या पायांना आणि पायाच्या तळव्यांना अॅक्युप्रेशर मिळतो. ज्यामुळे तुमची स्ट्रेस लेव्हल कमी होते. आणि फ्रेश वाटते.