Mobile Charging Tips: मोबाईल फास्ट चार्जिंग करायला या टिप्स करतील मदत!

आजच्या काळात स्मार्टफोन ही प्रत्येकाची गरज बनली आहे. आज फोन हे फक्त बोलण्याचे साधन राहिलेले नाही तर ते खूप स्मार्ट झाले आहे. त्यामुळे महिला त्यांचे बहुतांश काम स्मार्टफोनच्या माध्यमातून पूर्ण करतात. जास्त वापरामुळे फोनची बॅटरी लवकर संपते.

अनेकवेळा असे देखील घडते की, तुम्ही तुमचा फोन बराच वेळ चार्ज केला तरी तो खूप हळू चार्ज होतो किंवा पूर्ण चार्ज झाल्यानंतरही फोनची बॅटरी खूप लवकर संपते आणि तुम्हाला तो पुन्हा पुन्हा चार्ज करावा लागतो. चार्ज करण्यासाठी वेळोवेळी जाणवते. असे घडते कारण फोनची बॅटरी आता पाहिजे तसे काम करत नाही. तर, आज आम्ही तुम्हाला अशाच काही टिप्स सांगत आहोत, जे तुमच्या फोनच्या बॅटरीची काळजी घेण्यास मदत करतील. 

शेवटपर्यंत फोन वापरू नका

काही लोकांना ही सवय असते की, फोन बंद होईपर्यंत चार्जिंग करत नाहीत. तुम्हीही असेच करत असाल तर ते तुमच्यासाठी योग्य नाही. वास्तविक, एकदा फोन पूर्णपणे बंद झाला की, फोनच्या बॅटरीवर अतिरिक्त दबाव पडतो. त्यामुळे बॅटरी खराब होते.

एअरप्लेन मोड

खरंतर जेव्हा तुम्ही तुमचा मोबाईल फ्लाईट मोडवर टाकता तेव्हा मोबाईलमधील कॉल करणे, इंटरनेट ब्राऊंजिग किंवा जीपीएससारखे फिचर्स बंद होतात. त्यामूळे फोन हा अधिक स्पीडने चार्ज होतो.

स्क्रीन लॉक

जर तुमचा फोन लवकर चार्ज करायचा असल्यास मोबाईलची स्क्रीन लॉक ठेवा आणि फोनचा वापर करू नका. मोबाईल स्विच ऑफ केल्यासही तो कमी वेळात फुल चार्ज होतो.

ओरिजनल चार्जर

आजकाल मोबाईल चार्जिंगसाठी सर्रास युनिव्हर्सल किंवा मल्टीटाईप चार्जर वापरल्याचं चित्र दिसतं. पण लक्षात ठेवा की, इमर्जन्सी सोडल्यास कधीही तुमचा फोन फक्त आणि फक्त फोनसोबत मिळालेल्या ओरिजनल चार्जरनेच चार्ज करा.

फीचर्स किंवा ऍप्स बंद करा

मोबाईल लवकर चार्ज करण्याच्या ट्रीकमध्ये अजून महत्त्वाची ट्रीक म्हणजे सर्व अॅप बंद करा. तसंच हेही लक्षात घ्या की, मोबाईलमधील वायफाय, ब्लूटूथ, जीपीएस आणि गुगल प्लेसारखे फीचर्स किंवा ऑटोमॅटीक अपडेट चालू असेल तर तेही बंद करा.