Kitchen tips : आता पावसाळ्यातसुद्धा तुमचे बिस्किट, कुकीज मऊ पडणार नाहीत, फ्रेश ठेवण्यासाठी हा उपाय करा

Kitchen tips : मान्सूनच्या वातावरणाची मज्जा चहा आणि बिस्किटशिवाय अनेकांना अपूर्ण वाटते. धो धो पावसात गरमा गरम चहा आणि त्यासह बिस्किट आणि कूकीज अनेकांना खावीशी वाटते. त्यामुळे या काळात बिस्किट आणि कूकीजची डिमांडही मार्केटमध्ये वाढते. मात्र पावसाळ्यात थंडाव्यामुळे बिस्किट कूकीज मऊ व्हायला लागतात. तेव्हा यांना कुरकुरीत आणि फ्रेश ठेवण्यासाठी हा सोपा उपाय जाणून घ्या.

एअर टाइट कंटेनरमध्ये ठेवा

कुकीज किंवा बिस्किट दीर्घकाळ ताजे ठेवण्यासाठी त्याला हवाबंद डब्यात ठेवणे हाच एक उत्तम मार्ग आहे. पॅकेट उघडल्यानंतर ताबडतोब, ते थंड आणि कोरड्या जागी हवाबंद डब्यात ठेवल्यास ते बराच काळ कुरकुरीत राहण्यास मदत होते.

टिश्यू पेपरने कव्हर करून ठेवा

टिश्यूने कव्हर करून ठेवल्यास कुकीज लवकर खराब होत नाहीत. कारण टिश्यू कुकीज किंवा बिस्किटमधला ओलावा पूर्णपणे शोषून घेते. पावसाळ्याच्या दिवसात कुकीज बॉक्समध्ये ठेवण्यापूर्वी, त्यात टिश्यू पसरवा. तसेच, बॉक्स बंद करण्यापूर्वीसुद्धा कुकीजवर टिश्यू झाकून ठेवा.

बिस्किट,कुकीज फ्रिजमध्ये ठेवा

बिस्किटे किंवा कुकीज रेफ्रिजरेटरमध्ये ठेवल्याने ते दीर्घकाळ चांगले राहाते. मात्र हे बहुतेकांना माहीत नसते. यासाठी झिपलॉक पिशवीत कुकीज ठेवत ते रेफ्रिजरेटरमध्ये ठेवा. यामुळे कुकीजचा कुरकुरीतपणा आणि शेप दीर्घकाळ आहे तसा राहातो. (Kitchen Tips)

सॉफ्ट कुकीज कुरकुरीत कसे बनवाल?

पॅकेट जास्त वेळ उघडे ठेवल्यानंतर कुकीज मऊ झाल्या असतील तर ते पुन्हा कुरकुरीत करण्यासाठी ओव्हन किंवा एअर फ्रायरमध्ये 5-10 मिनिटे बेक करा. नंतर वर नमूद केलेल्या पद्धतीने साठवा. (lifestyle)