Navratri Fashion : नवरात्रित परफेक्ट लूक मिळवण्यासाठी निवडा ‘हे’ फूटवेअर | Sakal
sakal

बोलून बातमी शोधा

Navratri Fashion : नवरात्रित परफेक्ट लूक मिळवण्यासाठी निवडा ‘हे’ फूटवेअर

Navratri Fashion : नवरात्रित परफेक्ट लूक मिळवण्यासाठी निवडा ‘हे’ फूटवेअर

Navratri Fashion : नवरात्री जवळ आली की प्रत्येकाला गरब्याचे वेध लागतात. नऊ दिवस नवदुर्गेची पूजा आरती आणि गरब्याचा गोंधळ असतो. कोलकाता, गुजरात वाराणसी या ठिकाणी नवरात्रोत्सव मोठ्या प्रमाणात साजरा होतो. गरब्याला काय घालायचे, कोणता आउटफिट, कसा मेकअप आणि हेअरस्टाइल यावर तरूणी लक्ष देतात. पण त्यावर कोणते फुटवेअर घालायचे? याकडे जास्त लक्ष दिले जात नाही. पण परफेक्ट लूकसाठी फुटवेअरवरही परफेक्ट असणे खूप गरजेचे आहे.

हेही वाचा: Navratri Festival 2022 : गंगाघाटावर मोठ्या संख्येने टिपऱ्या विक्रेते दाखल

गरबा खेळताना स्त्रिया लेहेंगा-चोली घालतात. त्यामुळे त्यावर जुती किंवा मोजडीच घातली जाते. पण, गरब्यासाठी नवरात्रीच्या नऊ दिवसांसाठी फक्त एकाच प्रकारचे फुटवेअर घालणे चुकीचेच. मोजडी व्यतिरिक्त आपल्याकडे बरेच पर्याय आहेत. तुम्हाला नवरात्रीत लेहेंगा-चोलीसोबत अगदी सहज घालता येणारे फुटवेअर पाहुयात.

हेही वाचा: Navratri 2022: देवी आणि देवी तत्त्व या संकल्पनेचा काय आहे इतिहास?

मोजडी

मोजडी हे ट्रॅडिशनल स्टाईलमधील बॅलेरिना फूटवेअर आहे. लेहेंगा-चोलीसोबत एथनिक लुक देते. आजच्या काळात, महिलांसाठीचे शूज एक स्टाईल स्टेटमेंट तयार करतात. जे कोणत्याही वयोगटातील महिला सहजपणे परिधान करू शकतात. मोजडीची खासियत म्हणजे त्या खूप आरामदायी असतात. त्यामुळे गरबा करताना ते घालायला हरकत नाही. यामध्ये तुम्ही बीडपासून ते स्टोन आणि फ्रिंज लुक इत्यादी व्हराय़टी आहेत.

हेही वाचा: Navratri 2022 : नवरात्रीमध्ये 'या' मंत्रांच्या जपाने होते धनप्राप्ती

वेजेस हील्स फूटवेअर

तुम्हाला नवरात्रीत गरबा करायचा असल्याने तुम्ही हिल्स घालणे टाळावे. पण जर तुमची उंची कमी असेल तर तुम्ही वेजेस हील्स घालून तुमचा लुक खास बनवू शकता. लेहेंगा-चोलीसह वेज हील्स फुटवेअर स्टाईल करा. पेन्सिल हील्स आणि इतर हिल्सपेक्षा ते अधिक आरामदायक आहेत.

हेही वाचा: Navratri 2022 : नवरात्रीचा आनंद घेण्यासाठी पर्यटनाचा प्लॅन करताय?, 'या' ठिकाणी जरुर जा..

फ्लिप-फ्लॉप

फ्लिप-फ्लॉप किंवा फ्लॅट्स फुटवेअर फक्त कॅज्युअल वापरासाठी असतात असे मानले जाते. पण प्रत्यक्षात तसे नसून बाजारात फ्लॅट्स फुटवेअरच्या अनेक व्हरायटी उपलब्ध आहेत. लेहेंगा-चोलीवर घालता येतील असे फ्लॅट चपला सध्या ट्रेंडी आहेत. या चपला आरामदायक असल्याने त्या गरबा रात्रीसाठी एक चांगला पर्याय ठरतात.

हेही वाचा: Navratri मध्ये करा Long Weekend चा प्लॅन; 'या' ठिकाणी जाल तर दसरा होईल खास!

स्नीकर्स

काही दिवसांपासून लेहेंगा-चोलीसोबत स्नीकर्स घालण्याचा ट्रेंडही खूप वाढला आहे. तूम्हालाही तूमच्या फुटवेअरला ‘सेंटर ऑफ अट्रॅक्शन’ बनवायचे असेल तर, स्नीकर्स नक्की ट्राय करा. कोणत्याही लेहंग्यावर पांढरे स्नीकर्स आकर्षक वाटतात.

Web Title: Navratri Fashion Footwear With Indian Dresses For Garba Night

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :NavratriNavratri Festival