Navratri : नवरात्रीत आकर्षक दिसायचंय? ट्राय करा 'या' हटके Hairstyles

आशा हरिहरन

Navratri Hairstyles : आता सणासुदीचा हंगाम सुरु झाला आहे. नवरात्री सुद्धा काही दिवसांवरच आहे. असं असताना आपल्याला पार्लर मध्ये गर्दी पाहायला मिळते. महिलांनी एक परिपूर्ण लूक मिळवण्यासाठी कपडे आणि मेकअप बरोबरच हेअरस्टाईलकडे पण लक्ष देणे आवश्यक आहे. एक ट्रेंडी हेअरस्टाईल सरासरी लुक वाढवू शकते. अशाच काही सोप्या पण आकर्षक हेअरस्टाईल सांगत आहोत.

काही सहज उपलब्ध होणाऱ्या आणि सोप्या पद्धतीने वापरता येणाऱ्या हेअर अॅक्सेसरीजसह आकर्षक नवरात्री स्पेशल हेअरस्टाईल बद्दल जाणून घेऊया.

स्क्रंची ब्रेडेड पोनीटेल

स्क्रंची ब्रेडेड पोनीटेल उंचावण्याचा सर्वात सोपा मार्ग म्हणजे त्यावर वेणी बांधणे. ही एक अतिशय सोपी हेअरस्टाईल आहे, जी काही मिनिटांत करता येते. आपल्या कपाळाच्या कोपऱ्यातून फ्रेंच वेणी बांधून सुरुवात करा आणि डोक्याच्या मध्यभागी न्या. शेवटी, तुमचे केस पोनीटेलमध्ये गोळा करा आणि तुमची फ्रेंच वेणी असलेली पोनीटेल स्क्रंचीने सुरक्षित करा.

तज्ञांची टीप : तुमची ब्रेडेड फ्रेंच पोनीटेल जास्त काळ टिकण्यासाठी सॅटिन स्क्रंची वापरा.

स्लीक हेडबँड ओपन हेअरस्टाईल

ही हेअरस्टाईल दात घासण्यापेक्षा ही सोपी आहे. तुमच्या केसांना सीरम लावून सुरुवात करा आणि कंगव्याने केस विलग करा. तुमच्या चेहऱ्याला सूट होणाऱ्या पसंती नुसार केसांचे विभाजन करा. शेवटी, एक मोहक हेडबँड घाला. मोती किंवा क्रिस्टल हेडबँड वापरू शकता.

केसांच्या क्लिपसह सोपे ट्विस्टीज

यापेक्षा आणखी सोपे काय असू शकते? फक्त हेअर क्लिप घालून तुम्ही ही साधी हेअरस्टाईल सहज करू शकता. योग्य विभाजन करा आणि तुमच्या कपाळाच्या कोपऱ्यातून तुमच्या केसांचा पुढचा भाग फिरवायला सुरू करा. एकदा ते पूर्ण झाल्यावर, पातळ केसांच्या क्लिपसह तुमचे दोन ट्विस्टी टाय करा. अधिक आकर्षक दिसण्यासाठी मोती किंवा क्रिस्टल केस क्लिप वापरू शकता.

तज्ञांची टीप : तुमचे ट्विस्टी जास्त काळ टिकून राहण्यासाठी हेअर स्प्रे वापरा.

एका बाजूचा अंबाडा

हा एका बाजूचा अंबाडा तुम्हाला फक्त ५ मिनिटांत सुंदर लुक देईल. ही एक लवकर होणारी हेअरस्टाईल आहे ज्यासाठी तुम्हाला फक्त केसांचा अंबाडा कव्हर असणे आवश्यक आहे. बाजूला पार्टीशन बनवण्यापासून सुरुवात करा आणि केस विलग करण्यासाठी हेअर सीरम वापरा. आपले केस गोळा करा आणि आंबाडामध्ये फिरवा. शेवटी, तुमचा एकाबाजूचा अंबाडा सुरक्षित करण्यासाठी बन होल्डर घ्या.

तज्ञांची टीप : तुमचा अंबाडा उंच करण्यासाठी तुमच्या कोपऱ्याभोवती केसांचे काही टोके बाहेर काढा आणि एक आर्टिफीशीयल फूल घाला.

बंडाना बो

जर तुम्ही बोहो एथनिक व्हाइबचे चाहते असाल तर ही हेअरस्टाईल तुमच्यासाठी आहे. एक हलकी गुंतागुंतीची पोनीटेल बनवा आणि बंडाना बांधून त्याचे बेस वर करा. खाली पोनीटेल बांधा आणि लवचिक हेअर बँडने बांधा. शेवटी, आपल्या पोनीटेलभोवती बो मध्ये बंडाना बांधा. बस एवढेच, की झाला तुमचा बंडाना बो तयार!

तज्ञांची टीप : इंडो-वेस्टर्न लुकसाठी बोहेमियन बंडाना/प्लेन सॅटिन बंडाना वापरा.

(लेखिका या एनरिच ब्युटी येथे एज्युकेशन डिरेक्टर असून त्या सेलिब्रेटी आर्टिस्ट आहेत)