रात्री 12 वाजता वाढदिवसाच्या शुभेच्छा चुकूनही देऊ नये, का?

आपल्या जवळच्या लोकांचा किंवा मित्र-मैत्रिणींचा वाढदिवस असला की आपण आवडीने त्यांना रात्री १२ वाजता शुभेच्छा देतो. मात्र तुम्हाला माहिती आहे का रात्री १२ वाजता शुभेच्छा देणे चांगले नाही. या शुभेच्छा बिनकामाच्या ठरतात. हो, हे खरंय. चला तर या मागील कारण जाणून घेऊया.

विशेषत: तरुणांमध्ये रात्री १२ वाजता वाढदिवसाच्या शुभेच्छा देण्याची क्रेझ अधिक आहे. पण शास्त्रानुसार हे चुकीचं आहे. कारण रात्री १२ वाजल्याच्या सुमारास वातावरणात रज आणि तम गुणांचे प्राबल्य असते. यावेळी नकारात्मक शक्तिदेखील अधिक प्रभावी असते. त्यामुळे रात्री १२ वाजता दिलेल्या शुभेच्छा या बिनकामाच्या ठरतात. त्या लाभदायी ठरत नाही.

शास्त्रानुसार सूर्योदयाची वेळ ही शुभ असते. सकाळची वेळेत सात्विकता अधिक असते. यावेळी वातापणात सात्विकता अधिक असते. सूर्योदयाच्यावेळी दिल्या गेलेल्या शुभेच्छा अधिक सकारात्मक आणि प्रभावशाली असतात. त्यामुळे वाढदिवासाच्या शुभेच्छा या १२ वाजता न देता सकाळी देणे कधीही उत्तम आहे. त्यामुळे वाढदिवसाच्या शुभेच्छा कधीच रात्री १२ वाजता देऊ नये. शुभेच्छा या नेहमी पहाटे द्याव्यात.