Shweta Tiwari Birthday : ट्रॅव्हल एजन्सीत काम ते टीव्हीची राणी; असा आहे श्वेताचा प्रवास

Shweta Tiwari Latest News श्वेता तिवारी हे एक असे नाव आहे ज्याला कोणत्याही ओळखीची गरज नाही. श्वेता तिवारी 43वा वाढदिवस साजरा करीत आहे. श्वेता आतापर्यंत अनेक टीव्ही मालिकांमध्ये दिसली आहे. उत्तम कलाकार असण्यासोबतच ती एक सशक्त स्त्री देखील आहे. हे तिने अनेकदा सिद्ध केले आहे. व्यावसायिक जीवनातील संघर्षा व्यतिरिक्त वैयक्तिक आयुष्यातही बरेच चढ-उतार पाहिले आहे. वाढदिवसानिमित्त जाणून घेऊया तिच्याबद्दल...

श्वेता तिवारीने अगदी लहान वयातच काम करायला सुरुवात केली होती. वयाच्या अवघ्या १२व्या वर्षी ती ट्रॅव्हल एजन्सीत काम करायची. यासाठी तिला फक्त ५०० रुपये मानधन मिळायचे. तिचे स्वप्न अभिनेत्री बनण्याचे होते. ज्यासाठी तिने प्रयत्न केले आणि अखेरीस मेहनतीचे फळ मिळाले.

बरेच लोकांना माहिती नाही टीव्हीच्या दुनियेत नाव कमावण्यापूर्वी श्वेताने अनेक भोजपुरी चित्रपटांमध्येही काम केले आहे. याशिवाय तिने पंजाबी आणि नेपाळी चित्रपटांमध्येही नशीब अजमावले आहे. परंतु, तिला खरी ओळख छोट्या पडद्यावर मिळाली. एकता कपूरच्या कसौटी जिंदगी की या मालिकेने ती घराघरात प्रसिद्ध झाली.

मालिकांव्यतिरिक्त श्वेताने रिॲलिटी शोमध्येही यश मिळवले आहे. आपल्या शानदार खेळाच्या जोरावर श्वेताने बिग बॉस ४ जिंकले होते. शोदरम्यान अनेकदा डॉली बिंद्रासोबत झालेले भांडण सगळ्यांना माहिती आहे. सर्व अडचणी असूनही ती शेवटपर्यंत शोमध्ये राहिली आणि ट्रॉफी जिंकण्यात यशस्वी झाली.