Assam Travel : उन्हाळ्याच्या सुट्टीत मुलांसोबत फिरायला जायचंय? मग, आसाममधील 'या' सर्वोत्तम ठिकाणांना नक्की द्या भेट

Assam Travel : मार्च महिन्यात मुलांच्या परीक्षा सुरू होतात आणि साधारणपणे एप्रिलपर्यंत या परीक्षा संपतात. त्यानंतर, मुलांना उन्हाळ्याची सुट्टी लागते. या उन्हाळ्याच्या सुट्टीत मग फिरायला जाण्याचे प्लॅन्स बनवले जातात. यंदाच्या उन्हाळ्यात जर तुम्ही देखील कुठेतरी लांब फिरायला जाण्याचा प्लॅन करत असाल तर आसाम राज्य हे फिरण्यासाठी सर्वोत्तम आहे.

मुलांसोबत फिरण्यासाठी आसाम राज्य हे सर्वोत्तम राज्य आहे. या राज्यात तुम्हाला अनेक पर्यटन स्थळी भेट देता येईल. पर्यटन स्थळांसोबतच येथे विविध प्रकारच्या राष्ट्रीय उद्यानांना तुम्हाला भेट देता येईल. या राष्ट्रीय उद्यानांमध्ये मुलांना हत्तीवरून जंगल सफारी देखील करता येईल.

तसेच, राष्ट्रीय उद्यानांमधील विविध प्रकारच्या वन्यजीवांना पाहण्याची संधी ही तुम्हाला मिळू शकेल. मुलांसोबतच संपूर्ण कुटुंबाला हे सर्व पहायला नक्कीच आवडेल. चला तर मग जाणून घेऊयात आसाममधील या सर्वोत्तम ठिकाणांबद्दल.

नामेरी राष्ट्रीय उद्यान

नामेरी राष्ट्रीय उद्यान हे आसाम राज्यातील सोनितपूर जिल्ह्यात स्थित आहे. या उद्यानापासूनचे सर्वात जवळचे रेल्वे स्टेशन हे रंगपारा गुवाहाटी येथे आहे. या स्टेशनपासून उद्यानाचे अंतर हे २५ किमी आहे. त्यामुळे, रेल्वेमार्गाने तुम्ही या ठिकाणापर्यंत सहज पोहचू शकता. यासोबतच तुम्ही फ्लाईटने देखील या ठिकाणी जाऊ शकता. फ्लाईटने जर तुम्ही प्रवास करणार असाल तर तेजपूर, कोलकाता किंवा सिलचर ही विमानतळे येथून जवळ आहेत.

या राष्ट्रीय उद्यानामध्ये हिमालयन ब्लॅक बेअर, रॉयल बेंगाल टायगर्स, वाईल्ड बोअर, स्किवरेल्स, वेदर हॉर्नबिल, रूफस नेकेड हॉर्नबिल आणि इबिसबिल यांसारखे विविध प्रकारचे पक्षी आणि वन्यजीव तुम्हाला या उद्यानात पहायला मिळतील. (Nameri National Park)

काझीरंगा राष्ट्रीय उद्यान

काझीरंगा हे राष्ट्रीय उद्यान एकशिंगी गेंड्यांसाठी सुप्रसिद्ध आहे. आसाममध्ये भेट देण्यासाठी हे सर्वोत्तम ठिकाण आहे. या उद्यानाशिवाय आसामची ट्रीप ही अपूर्ण आहे, असे म्हटले तरी ते चुकीचे ठरणार नाही. या राष्ट्रीय उद्यानात तुम्हाला हत्ती, वाघ, चित्ता, हरिण यांसोबतच इतर अनेक प्राणी पहायला मिळतील.

विविध प्रकारच्या प्राण्यांसोबतच येथे तुम्हाला अनेक प्रकारचे रंगीबेरंगी पक्षी जवळून पाहण्याची संधी मिळेल. काझीरंगा राष्ट्रीय उद्यान हे जगभरात प्रसिद्ध आहे. (Kaziranga National Park)