Yoga For Belly Fat : फक्त १० मिनिटात होईल पोटाची चरबी कमी; हे योगासन करेल मदत

Yoga For Belly Fat : सध्याच्या वाढत्या धकाधकीच्या दिवसात अनेकांचं आपल्या शरीराकडे दुर्लक्ष होत आहे; योग्य डाएट सोडाच पण रोज वेळेवर जेवणही होतच अस नाहीये; त्यात सतत 8 तास बसून काम, व्यायाम करायला वेळ नाही आणि परिणामी शरीरात वाढणारी चरबी.

जेव्हा जेव्हा शरिरातली चरबी वाढू लागते आपल शरीर बेडप दिसू लागतं. बरेचदा लोक परत फिट दिसण्यासाठी डायटिंग सुरू करतात; पण फक्त डायटिंग मुळे शरीराचे वजन कमी होतच अस नाही; सोबत व्यायामही हवाच. एवढं व्यायाम करण्यासाठी वेळही हवा; पण या आसनाबाबत अस काही नाही रोज फक्त १० मिनिट हे आसन केल्याने तुम्ही तुमच्या पोटाची चरबी कमी करू शकतात.

कटीचक्रासन

कटीचक्रासन केल्याने तुमच्या शरीरतली अतिरिक्त चरबी कमी होऊन पोट अगदी सडपातळ दिसू लागते, शिवाय जर तुम्हाला पचनाशी संबंधित समस्या असतील तर तुम्ही दररोज कटीचक्रासन केले पाहिजे. लिव्हर, किडनी आणि आतडे निरोगी ठेवण्यासाठी देखील हे खूप प्रभावी आहे.

कटीचक्रासन कसे करावे?

१. दोघी पायांमध्ये समान अंतर ठेवून उभे रहा

२. आपले हात समोर करा, हात वाकलेले नको; आणि त्यांच्यामध्ये खांद्या एवढं अंतर हवं.

३. आता हे हात सरळ रेषेत डाव्या बाजूला सरकवा, कंबरेवरती खूप ताण पडायला लागला की परत मुळ स्थितीत या.

४. आता परत हात सरळ रेषेत घेऊन उजव्या बाजूला सरकवा, आणि कंबरेवरती खूप ताण पडायला लागला की परत मुळ स्थितीत या.

हे असेल रोज किमान १०-१५ वेळेस करा.

आसन केल्याने त्रास होत असेल त्रास वाढत असेल तर डॉक्टरांशी किंवा योगा तज्ज्ञांशी चर्चा करा.