69 Loan App Banned: कर्जाच्या वसुलीसाठी छळ; सरकारची गुगलला नोटीस

महाराष्ट्र सरकारच्या सायबर सेलने यासंदर्भातील नोटीस गुगलला दिली आहे.
Loan App Banned
Loan App Bannedsakal

मुंबई : कर्जासाठी छळ करणाऱ्या लोन अॅपवर महाराष्ट्र सरकारने कारवाईसाठी पावले उचलले आहेत. महाराष्ट्र सरकारच्या सायबर सेलने यासंदर्भातील नोटीस गुगलला दिली आहे. त्यामधून सरकारने तब्बल 69 लोन अॅप हटवण्याचे आदेश दिले आहेत.

(69 Loan App Banned)

कोरोनाच्या काळात अशा लोन अॅपबद्दल साधारण एका हजारापेक्षा जास्त तक्रारी महाराष्ट्र सायबर सेलकडे आल्या होत्या. त्यातील चौकशीनंतर सायबर सेलने हा निर्णय घेत गुगलच्या अमेरिकेतील कार्यालयाला हे अॅप काढून टाकण्यासाठी नोटीस पाठवली आहे.

Loan App Banned
Norovirus: कोरोना, मंकीपॉक्सनंतर भारतात नवा विषाणू; वाचा लक्षणे

ग्राहकांची गोपनीय माहिती वापरून त्याचा गैरवापर केला जात असल्याचाही आरोप होत आहे. अशा अनेक तक्रारी कोरोनाच्या काळात केल्या गेल्या होत्या. या अॅपने होत असलेल्या छळामुळे काही लोकांनी आत्महत्या केल्याचंही समोर आलं होतं. त्यामुळे महाराष्ट्र सायबर सेलने यासंदर्भातील नोटीस गुगला पाठवली आहे. यामध्ये त्यांनी तब्बल 69 लोन अॅप बंद करण्याचे आदेश गुगलला दिले आहेत. या अॅपमध्ये कॅश अॅडव्हान्स, कोष, येस कॅश, हॅन्डी लोन, मोबाईल कॅश या अॅपचाही सामावेश आहे.

कोरोनाकाळात बेरोजगारी निर्माण झाल्याने लोकांना पैशांची उणीव भासू लागली होती. त्यानंतर या लोन अॅपमधून अनेकांनी लोन काढले होते. पण लोन परत करण्यासाठी अनेकांना छळाला सामोरे जावे लागले होते. अशा अनेक तक्रारी आल्याने सायबर सेलने यासाठी पावले उचलली आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com