जामीन की कोठडी? अविनाश भोसले प्रकरणी सीबीआय कोर्टात सुनावणी

मुंबई : पुण्यातील उद्योगपती आणि ABIL ग्रुपचे मालक अविनाश भोसले यांना सीबीआयने अटक केली होती. त्यानंतर त्यांनी डीएचएफएल आणि एस बॅंक घोटाळ्यात अटक केली आहे. त्यांच्या प्रकरणावर आज मुंबईतील विशेष सीबीआय कोर्टात सुनावणी होत आहे.

(Avinash Bhosale CBI Raid News Update)

भोसले यांना अटक केल्यानंतर त्यांना केलेली अटक ही बेकायदेशीर असल्याचं म्हटलं होतं. त्यानंतर सीबीआयने त्यांच्या १० दिवसांची कोठडीसाठी मागणी केली आहे. याप्रकरणावर मुंबईतील विशेष सीबीआय कोर्टात आज दुपारी साडेतीन वाजता सुनावणी सुरू होणार आहे.

दरम्यान अविनाश भोसले यांना 26 मे रोजी सीबीआयने अटक केली होती. डीएचएफएल आणि येस बँक घोटाळा प्रकरणात त्यांना अटक केली आहे. त्याअगोदरही त्यांची ईडी आणि सीबीआयकडून चौकशी करण्यात आली होती. त्यांना अटक करण्यात आल्यावर आज त्यांच्या या प्रकरणावर विशेष सीबीआय कोर्टात सुनावणी होणार आहे.

अविनाश भोसले यांची ४०.३४ कोटी रुपये किंमतीची स्थावर मालमत्ता मागच्या वर्षी जप्त करण्यात आली होती. विदेशी मुद्रा प्रबंधन अधिनियमांतर्गत पुण्यातील शिवाजीनगर येथील गणेशखिंडमध्ये असलेल्या त्यांच्या एबीआयएल कंपनीच्या मुख्यालयावर ईडीने ही कारवाई केली होती. त्यानंतर ३० एप्रिल रोजी सीबीआयने त्यांच्याशी संबंधित संपत्तींवर छापेमारी केली होती. त्यांच्यावर विदेशी मुद्रा हस्तांतरण आणि बेकायदेशीररित्या विदेशी बँकेत खाते उघडल्याप्रकरणी ईडीने कारवाई केली होती.

अविनाश भोसले हे पतंगराव कदम यांचे व्याही आणि विश्वजित कदम यांचे सासरे आहेत. ते पुण्यातील प्रसिद्ध उद्योगपती आहेत. पुण्यातील बाणेर भागात त्यांचे अलिशान घर आहे. तसेच त्यांच्याकडे तीन हेलिकॉप्टर्स आहेत. त्यांच्या घरावर हेलिपॅडही आहेत. राजकारणी लोकांना ते हेलिकॉप्टर्स भाड्याने देतात त्यामुळे ते सारखे चर्चेत असतात.