
ठाणे : काँग्रेसचे माजी अध्यक्ष राहुल गांधी यांनी स्वातंत्र्यवीर सावरकर यांच्याबाबत केलेल्या आक्षेपार्ह वक्तव्यावर अभिनेते शरद पोंक्षे यांनी एका कार्यक्रमात बोलताना टीका केली. सावरकर ब्राह्मण होते म्हणून त्यांना विरोध झाला. त्यांचे आडनाव जर वेगळे असते तर अशी टीका त्यांच्यावर झाली नसती, अशी प्रतिक्रिया पोंक्षे यांनी दिली. राहुल गांधी यांच्या या टीकेमागे मतांचे आणि जातीयवादाचे राजकारण असल्याचे त्यांनी सांगितले.
"तसेच एखादा नवा कायदा आला की त्याला समर्थन अथवा विरोध होणारच. लोकांनी नागरिकत्व कायदा समजून घ्यावा आणि नंतरच विरोध करावा. बाहेरून येणाऱ्या अल्पसंख्याकांना सामावून घ्यायचे की नाही, हा प्रश्न आहे. सध्या आपल्या देशाची लोकसंख्या 136 कोटी असून, त्यांच्याच मूलभूत गरजा पुरविताना हा देश मेटाकुटीला आला आहे. त्यामुळे हे असे कायदे करण्यापेक्षा लोकसंख्या निर्मूलन किंवा लोकसंख्या कमी करणे याविषयीचे विधेयक आणण्याची फार गरज आहे,'' असे वक्तव्य अभिनेते शरद पोंक्षे यांनी केले.
सावरकर ब्राह्मण असल्याचे सर्वांना दिसते. मात्र, जातीयवाद रोखण्यासाठी त्यांनी केलेले प्रयत्न कोणालाच दिसत नाहीत. ते केवळ ब्राह्मण आहेत, म्हणून कोणीही त्यांच्यावर टीका करतं. पण जातीयवाद संपविण्यासाठी त्यांनी त्यांचं सारं आयुष्य घालवलं आहे, असेही त्यांनी यावेळी सांगितले.
ठाणे महापालिका व जनकवी पी. सावळाराम कला समितीच्या वतीने रविवारी "जनकवी पी. सावळाराम स्मृती पुरस्कार' वितरण सोहळा रविवारी गडकरी रंगायतन येथे पार पडला. ज्येष्ठ सिनेनाट्य अभिनेते शरद पोंक्षे यांना जनकवी पी. सावळाराम स्मृती पुरस्कार; तर अभिनेत्री उषा नाईक यांना "गंगा जमुना' पुरस्काराने गौरविण्यात आले. 51 हजार रोख रक्कम व सन्मानचिन्ह असे या पुरस्काराचे स्वरूप होते. याबरोबरच साहित्यक्षेत्रातील उल्लेखनीय कामगिरीबद्दल प्रशांत डिंगणकर, शिक्षण क्षेत्रात उल्लेखनीय कामगिरीबद्दल बाळासाहेब खोल्लम; तर लक्षवेधी कलावंत माधुरी करमरकर यांनाही पी. सावळाराम पुरस्काराने गौरविण्यात आले. महापौर नरेश म्हस्के यांच्या हस्ते पुरस्काराचे वितरण करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.