Abdul Sattar : दारू पिता का? कृषीमंत्री अब्दुल सत्तारांचा जिल्हाधिकाऱ्यांना अजब सवाल

मुंबई - राज्याचे कृषीमंत्री अब्दुल सत्तार सातत्याने चर्चेत असतात. काही दिवसांपूर्वी त्यांनी मुख्यमंत्री एकनाथ शिंदे यांच्या सचिवांशीच पंगा घेतला होता. आता सत्तार यांनी बैठकीत जिल्हाधिकाऱ्यांना विचारलेला प्रश्न चर्चेत आला आहे. (Abdul Sattar news in Marathi)

पीक नुकसानीची पाहणी करण्यासाठी सत्तार बीड जिल्ह्याच्या दौऱ्यावर होते. यावेळी सत्तार यांनी चहा पित असताना तुम्ही दारू पिता का, असा अजब सवाल केला. त्यांच्या या अनपेक्षित प्रश्नामुळे तिथे एकच हशा पिकला होता.

दरम्यान जिल्हाधिकाऱ्यांना प्रश्न विचारल्यानंतर समोर मोबाईलचा कॅमेरा सुरू असल्याचं कळल्यावर सत्तार काहीसे गोंधळलेले दिसले. तसेच अरे अरे म्हणत त्यांनी व्हिडीओ रेकॉर्डींग बंद करण्यास सांगितलं. मात्र सत्तार यांनी विचारलेल्या प्रश्नामुळे जिल्हाधिकारी देखील दचकले होते.