Ahmednagar Fake Certificate case: दहावी, बारावी बोर्डासह कोणत्याही शाखेच्या पदवीचे व डिप्लोमाच्या बोगस प्रमाणपत्रांची सर्रास विक्री होत असून, हे रॅकेट राज्यभर असल्याची शक्यता आहे. बनावट प्रमाणपत्र आढळल्यानंतर नगरमध्ये गुन्हा दाखल झाला होता. त्यानंतर आता नाशिकमध्येही पॅरामेडीकलच्या अभ्यासक्रमाची बोगस प्रमाणपत्र आढळून आले असून, यामध्ये नाशिकसह सोलापूर, सांगली येथील विद्यार्थ्यांची बनावट प्रमाणपत्र असल्याची माहिती समोर आली आहे.
नगरमधील बालिकाश्रम रस्त्यावरील पॅरामेडिकल इन्स्टिट्यूटच्या चालकाकडून पोलिसांनी तब्बल १८२ प्रमाणपत्रे जप्त केली होती. अशोक नामदेव सोनवणे (वय ३७, रा.भिंगार, अहमदनगर) या आरोपीला तोफखाना पोलिसांनी अटक केली होती.
नगरच्या न्यायालयाने सोनवणे याला पाच दिवसांची पोलिस कोठडी सुनावली होती. बनावट पदव्या व गुणपत्रके दिल्ली येथील ओळखीच्या सचिन (पूर्ण नाव माहित नाही) व चेतन शर्मा या दोघांकडून कुरिअरने मागवित असल्याची माहिती सोनवणे याने पोलिसांना दिली होती. त्यानंतर तोफखाना पोलिसांना या गुन्ह्याच्या मुळापर्यंत जाता आले नाही.
दरम्यान, आता नाशिक येथील यशवंतराव चव्हाण मुक्त विद्यापीठांचे २० प्रमाणपत्र बनावट निघाल्याने नाशिक तालुका पोलिस ठाण्यात गुन्हा दाखल झाला आहे. सोमवारी (ता.२७) नाशिक तालुका पोलिस ठाण्याचे पथक नगरमध्ये तपासासाठी आले होते. त्यांनी पुढील तपासासाठी तोफखाना पोलिसांनी जप्त केलेले प्रमाणपत्र व इतर माहिती घेतली. (Latest Marathi News)
दिल्ली कनेक्शन समोर
अशोक नामदेव सोनवणे याने ४० ते ५० हजार रुपयांमध्ये दहावी, बारावी व पदवीचे प्रमाणपत्र विक्री केल्याचे तपासात उघड झाले आहे. ही प्रमाणपत्रे दिल्ली येथून कुरिअरने सोनवणे बोलवित होता. नाशिकच्या गुन्ह्यातही सोनवणे याचे नाव आल्याने नाशिक तालुका पोलिसांनी त्याला नगरमधून अटक केल्याचे सूत्रांनी सांगितले.
शासकीय नोकरीसाठी वापर?
बनावट प्रमाणपत्रांच्या आधारे अनेकांनी शासकीय नोकरी लाटल्याची शक्यता आहे. पोलिस जप्त करण्यात आलेल्या प्रमाणपत्रांच्या आधारे तपास करीत आहेत. बनावट प्रमाणपत्राचा शासकिय नोकरी मिळविण्यासाठी वापर झालेला आहे की नाही, याबाबत अद्याप स्पष्टता नाही.
यशवंतराव चव्हाण मुक्त विद्यापीठाचे २० प्रमाणपत्र बनावट आढळून आल्याच्या गुन्ह्याच्या तपासासाठी नाशिक तालुका पोलिस आले होते. नगरमधून एका आरोपीला अटक करण्यात आली - मधुकर साळवे, पोलिस निरीक्षक, तोफखाना (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
