अनुप डांगेंचा आणखी एक लेटर बॉम्ब, आयुक्त संजय पांडेंना पत्र

मागील काही दिवसांपासून राज्यात घडणाऱ्या अनेक घडामोडींचा वेग वाढला आहे. दरम्यान, आता एक वेगळी बातमी समोर येत आहे. पोलिस अधिकारी अनुप डांगे यांनी आणखी एक लेटर बॉम्ब टाकला आहे. त्यांनी पोलिस आयुक्त संजय पांडे यांना पत्र लिहिलं आहे. पत्रात काही अधिकाऱ्यांची नाव आणि नवलानी विरोधात अधिकाऱ्यांनी मुद्दाम योग्य तपास न केल्याचा आरोप करण्यात आला आहे. (letter bomb from Anup Dange)

दरम्यान, याप्रकरणी तपास अधिकारी पीआय किशोर शिंदे, त्यावेळचे एसीपी किरण काळे आणि संबंधित अधिकाऱ्यांवर कारवाई करण्याची मागणी डांगे यांनी मुंबई पोलिस आयुक्तांकडे केली आहे. उच्च न्यायालयाने नवलानी विरोधात दाखल असलेला गावदेवी पोलिस ठाण्यातील गुन्हा रद्द केला आहे. या आदेशाला न्यायालयात आव्हान देऊन पुन्हा समुळ तपास केला जावा अशी मागणी पोलिस अधिकारी अनुप डांगे यांनी केली आहे.

दरम्यान, पोलिस निरीक्षक अनुप डांगे यांचा सीबीआयने जबाब नोंदवला आहे. डांगे यांनी परमबीर सिंग यांच्याविरोधात भ्रष्ट्राचाराचे आरोप केले होते. याआधी सीआयडी आणि एसीबीआयकडून या प्रकरणाचा तपास करण्यात आला आहे. सर्वाच्च न्यायालयाच्या आदेशानुसार परमबीर सिंग यांच्याविरोधातील सगळी प्रकरण सीबीआयकडे देण्यात आली आहेत. सीबीआयकडून सर्व प्रकरणातील फिर्यादीचा जबाब दिल्ली येथील मुख्य सीबीआय कार्यालयात नोंदवण्यात आला आहे.