राज्यात मान्सूनपूर्व सरी; २४ तासांत सातारा, बीडमध्ये हलका पाऊस

दोन दिवसांपूर्वी मान्सून केरळमध्ये दाखल झाला आहे. यंदा वेळेआधी मान्सूनचे आगमन झाल्याने शेतकऱ्यांची शेतीकामाची धांदल सुरु झाली आहे. जुनच्या पहिल्याच आठवड्यात महाराष्ट्रात मान्सून दाखल होणार असल्याची माहिती हवामान विभागाने दिली आहे. दरम्यान, गेल्या 24 तासांमध्ये राज्यात काही ठिकाणी गडगडाटासह पावसाने हजेरी लावली आहे. यामध्ये सातारा, बीड या जिल्ह्यांत मान्सून पूर्व सरी बरसल्या असल्याची माहिती हवामान विभागाने दिलीये. (Maharashtr Mansoon Update)

केरळमध्ये मान्सून दाखल झाल्यानंतर त्याच्या पुढचा वेग मंदावण्याची शक्यताही हवामान विभागाने वर्तवली आहे. त्यामुळं पुढील दोन आठवडे मान्सूचा वेग कमी राहू शकतो. मात्र, मान्सूनचा वेग कायम राहिल्यास मान्सून तळकोकणात ४ ते ५ जूनपर्यंत पोहोचू शकतो असंही सांगण्यात आलं आहे. हवामान खात्याने सांगितल्याप्रमाणे मान्सूनच्या आगमनाचे सर्व निकष पूर्ण झाले असल्याने तो वेळेत हजेरी लावण्याची शक्यता आहे.

दरम्यान, श्रीलंकेच्या वेशीवर काही दिवस मान्सूनचा मुक्काम वाढला होता पण मान्सून केरळात दाखल झाला असून आता तो महाराष्ट्राच्या दिशेने सरकत आहे. भारतीय हवामानशास्त्र विभागाने (IMD) दिलेल्या माहितीप्रमाणे यंदा नैऋत्य मान्सून हा सामान्य असणार आहे. जून ते सप्टेंबर दरम्यान सरासरी 868.6 मिमी पाऊस पडण्याची शक्यता आहे.

आयएमडीने (IMD) दिलेल्या माहितीनुसार, 1971-2020 या कालावधीसाठी 87 सेंटीमीटरच्या दीर्घ काळ सरासरीच्या (LPA) 96 ते 104 टक्के पाऊस अपेक्षित आहे. त्यामुळे संपूर्ण भारतातील पडणारा वार्षिक सामान्य पाऊस यावर्षी पूर्वीच्या 1176.9 मिमीच्या तुलनेत आता 1160.1 मिमी असणार आहे. दरम्यान, पुढील काही दिवस राज्यातील काही भागांत ढगाळ वातावरणही राहण्याची आवश्यकता आहे.