कोरोना मृतांचा आकडा राहुल गांधींनी आणला कुठून ? भारती पवार यांचा सवाल | Bharati Pawar Comment On Rahul Gandhi | Sakal
sakal

बोलून बातमी शोधा

Rahul Gandhi And Bharati Pawar

कोरोना मृतांचा आकडा राहुल गांधींनी आणला कुठून ? भारती पवार यांचा सवाल

उस्मानाबाद : कोरोना काळात देशभरात ४० लाख नागरिकांचा मृत्यू झाल्याचे कॉंग्रेस नेते राहुल गांधी सांगत आहेत. त्यांनी हा आकडा आणला कुठून, हे त्यांनी केंद्राला सांगावे, असा सवाल केंद्रीय आरोग्य व कुटुंब कल्याण राज्यमंत्री डॉ. भारती पवार (Bharati Pawar) यांनी सोमवारी उस्मानाबाद (Osmanabad) (ता. १८) येथे केला आहे. कोरोना साथीच्या काळात केंद्र सरकारच्या निष्काळजीपणामुळे देशभरात सुमारे ४० लाख नागरिकांचा मृत्यू झाल्याचे वक्तव्य राहुल गांधी यांनी केले होते. त्यावर प्रतिक्रिया देताना डॉ. पवार म्हणाल्या, देशभरात कोरोनामुळे मृत्यू झालेल्यांची संख्या पोर्टलवर दररोज दिली जाते. (Bharati Pawar Ask Rahul Gandhi For Corona Death Numbers)

हेही वाचा: UPSC च्या नवीन अध्यक्षांच्या नियुक्तीवर राहुल गांधींचा सवाल, म्हणाले...

ही आकडेवारी गावागावांत भरली जाते. त्यानंतर त्या-त्या राज्यांतून आकडे केंद्राकडे येतात. ते पोर्टलवर तातडीने अपडेट होतात. असे असताना राहुल गांधी (Rahul Gandhi) यांनी हा आकडा आणला कुठून?, असा प्रश्न त्यांनी केला आहे.

हेही वाचा: थोडे मनोरंजन व्हायला नको का ? सुप्रिया सुळे यांची राज यांच्या सभेवर टीका

वीजेचे खापर केंद्रावर नको

राज्यात विजेची समस्या भेडसावत आहे. कोळसा प्रश्नावरून केंद्र सरकारवर खापर फोडणे योग्य नाही. राज्य शासनाने योग्य नियोजन केले तर निश्चित हा प्रश्न मार्गी लागू शकतो, असा उपरोधिक सल्लाही डॉ. पवार यांनी दिला.

Web Title: Bharati Pawar Ask Rahul Gandhi For Corona Death Numbers

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top