राहुल गांधींच्या 41 हजारांच्या शर्टवरून वातवरण तापलं; भाजपनं करून दिली 1971 ची आठवण

Atul Bhatkhalkar Attack On Rahul Gandhi : 'भारत जोडो यात्रे' दरम्यान राहुल गांधी यांनी जो टी-शर्ट घातला आहे, त्याची किमत 41,000 हजार रूपये एवढी असल्याचे ट्वीट भाजपने त्यांच्या ट्विटर अकाउंट वरून केले आहे. या फोटाला भाजपने 'भारत देखो' अशी कॅप्शन दिली आहे. यानंतर देशभरातून राहुल गांधींवर टीकेची झोड उठवली जात आहे. या वादात आता महाराष्ट्रातील भाजप नेत्यांनीदेखील उडी घेतली असून, अतुल भातखळकर यांनी ट्वीट करत रहुल गांधीवर हल्लाबोल केला आहे.

अतुल भातखळकर यांनी केलेल्या ट्वीट त्यांनी राहुल गांधीना त्यांच्या आजी इंदिरा गांधींनी १९७१ साली "गरिबी हटाव" चा नारा दिल्याची आठवण करून दिली आहे. तसेच देशाची गरीबी हटली की नाही माहित नाही पण राहुलजींची मात्र नक्की हटली आहे असा खोटक टोला लगावला आहे.

भाजपने केलेल्या ट्वीटमध्ये काय?

एका फोटो मध्ये राहुल गांधी यांचा फोटो आहे, तर दुसऱ्या फोटोमध्ये त्यांनी घातलेल्या टि-शर्टच्या किमतीचा फोटो आहे. त्या फोटो मध्ये त्या शर्टची किमत 41,257 येवढी दिसत आहे. दरम्यान कॉंग्रस नेते आणि कॉंग्रेस कार्यकर्ते गांधीयांच्या समर्थनासाठी पुढे येत आहेत. कॉंग्रेसच्या एका कार्यकर्त्यांने ट्विट केलं आहे की यावरून समजत आहे, भाजप या यात्रे मुळे भित आहेत. तर आणखी एका युजरने म्हटले की, गांधींनी त्यांच्या कपड्यांवर खर्च केलेला हा सार्वजनिक पैसा नाही.