नगरपंचायत निवडणूक: भाजप अव्वल, पाहा इतर पक्षांचं बलाबल?

मुंबई : राज्यात ३२ जिल्ह्यांमधील १०६ नगरपंचायती आणि दोन जिल्हा परिषदांच्या ४१३ जागांसाठी मतदान काल मतदान पार पडलं होतं. या जागांचे निकाल आज आणि उद्या जाहीर होत आहेत. यांपैकी आज ९७ जागांचे निकाल हाती आले आहेत. तर उद्या ९ जागांचे निकाल जाहीर होणार आहेत. ओबीसी आरक्षणाविना या निवडणुका पार पडल्या होत्या. या निवडणुकीत भाजप हा सर्वात मोठा पक्ष ठरला तर राष्ट्रवादी काँग्रेस दुसऱ्या स्थानावर आहे. महाविकास आघाडीनं या निवडणुकीत जोर लावला होता. (BJP became number one party in Nagar Panchayat elections of Maharashtra)

सध्या पहिल्या टप्प्यातील ९७ जागांवरील सर्व निकाल समोर आले आहेत. यामध्ये महाविकास आघाडीला ५७ नगरपंचायतींमध्ये विजय झाला आहे तर भाजपला २४ नगरपंचायती मिळाल्या आहेत. तसेच १६ नगरपंचायती इतर पक्षांनी पटकावल्या आहेत. तसेच भाजप (३८४), राष्ट्रवादी (३४४), काँग्रेस (३१६) तर शिवसेनेचे २८४ नगरसेवक निवडून आले आहेत.

दरम्यान, भाजपच या निवडणूकीत सर्वात मोठा पक्ष असल्याचा दावा भाजपचे प्रदेशाध्यक्ष चंद्रकांत पाटील यांनी केला आहे. तसेच भिन्न विचारसरणीचे असतानाही शिवसेना-राष्ट्रवादी-काँग्रेस एकत्र येऊन लढले तरी त्यांना भाजपनं मात दिली असून येत्या काळतही भाजपविरोधात हे एकत्र लढले तरी आम्ही त्यांना पुरुन उरु असंही त्यांनी म्हटलं आहे.

सन २०१७ आणि २०२२ मधील पक्षीय बलाबल

1) भाजप - ३४४ (२०१७), ४१७ (२०२२)

2) शिवसेना - २०१ (२०१७), २९० (२०२२)

3) काँग्रेस - ४२६ (२०१७), २९९ (२०२२)

4) राष्ट्रवादी - ३३० (२०१७), ३६९ (२०२२)