भाजपच्या अजेंड्यावर सुधारित नागरिकत्व कायदा

मुंबई -  केंद्र सरकारने केलेला सुधारित नागरिकत्व कायदा (सीएए) हा अल्पसंख्याकांचे रक्षण करणारा असून त्याला पाठिंबा देणारा ठराव विधिमंडळात मंजूर करण्याची मागणी भाजपने केली आहे. यासंबंधातील कोणताही ठराव मतदानालाच नव्हे तर चर्चेलाही येऊ नये, असा काँग्रेसचा आग्रह आहे.

ताज्या घडामोडींसाठी डाऊनलोड करा ई-सकाळचे ऍप

केंद्राच्या अखत्यारीतील विषयावर राज्यात ठराव मांडताच कसा येईल अशी भूमिका काँग्रेसने विधानसभा अध्यक्षांकडे व्यक्त केली असून राष्ट्रवादी काँग्रेस सीएएला विरोध नको हे धोरण कायम ठेवेल काय याकडे राजकीय वर्तुळाचे लक्ष लागले आहे. महाविकास आघाडीतील सर्वात छोटा पक्ष असलेल्या काँग्रेसमध्ये फोडाफोडीचे राजकारण तर होणार नाही ना, अशी भीती आहे. शेजारच्या राज्यातील घटना ही आमदारांना बळ देणारी ठरेलच असे एका नेत्याने नमूद  केले.

हेही वाचा : टीसीएसची पुन्हा आघाडी

अर्थसंकल्पावर सर्वसाधारण चर्चा सुरू होणार असल्याने येते दोन-तीन दिवस सीएएवरील प्रस्तावाला परवानगी द्यायची नाही, अशी सत्ताधाऱ्यांची रणनीती आहे.