पंकजा मुंडे यांना दुसऱ्यांदा कोरोनाची लागण; काळजी घेण्याचे केले आवाहन | Sakal
sakal

बोलून बातमी शोधा

Pankaja Munde

पंकजा मुंडे यांना दुसऱ्यांदा कोरोनाची लागण; काळजी घेण्याचे केले आवाहन

मुंबई - भाजपाच्या राष्ट्रीय सचिव पंकजा मुंडे (Pankaja Munde) यांना दुसऱ्यांदा करोना संसर्ग झाला असून यावेळी त्यांना करोनाचा नवा विषाणू ओमिक्रॉनचा (Omicron) संसर्ग (Pankaja Munde Covid Positive) झाला आहे. दरम्यान, त्यांना सौम्य लक्षणे जाणवत असून सध्या त्यांना मुंबईतील घरीच क्वारंटाईन करण्यात आले आहे. याबाबत पंकजा मुंडे यांनी स्वतः ट्वीट करत माहिती दिली आहे. (Pankaja Munde Covid Report came positive In Second Time)

दरम्यान बाधितांच्या संपर्कात आल्याचे जाणवल्यानंतर लगेचच स्वतःला विलग केल्याचे त्यांनी म्हटले आहे. तसेच आपल्याला लक्षणे आणि करोना दोन्ही जाणवत असून सर्वांनी काळजी घ्यावी.” असे आवाहन त्यांनी केले आहे. (Pankaja Munde Tweet After Covid Positive)

राज्यात आज 9170 कोरोना बाधित, तर 6 ओमिक्रॉन बाधितांची नोंद

राज्यात दिवसागणिक कोरोना (Corona Cases In Maharashtra) बाधितांच्या संख्येत झपाट्याने वाढ होत असून शनिवारीदेखील राज्यात 9170 कोरोना बाधितांची नोंद करण्यात आली आहे. तर 1,475 रुग्ण कोरोनामुक्त झाले आहे. एकट्या मुंबईमध्ये आज 6 (Mumbai Corona Cases) हजार 347 नवे रुग्ण आढळून आले आहेत. तर एका मृत्यूची नोंद करण्यात आलीय. राज्यातील बरे झालेल्या रुग्णांची संख्या 7 लाख 50 हजार 158 वर पोहचली असून राज्यात आज 6 ओमिक्रॉन बाधितांची नोंद करण्यात आली आल्याने ही संख्या आता 460 वर पोहोचली आहे. राज्यात आज 7 रुग्णांच्या मृत्यूची नोंद झाली आहे. राज्याचा मृत्यूदर 2.11 टक्के झाला आहे.

राज्यात गेल्या काही दिवसांपासून ओमिक्रॉन (Omicron Cases In Maharashtra) बाधितांची संख्या झपाट्याने वाढत असून एकट्या महाराष्ट्रात आतापर्यंत 460 ओमिक्रॉन बाधितांची नोंद करण्यात आली आहे. तर देशात आतापर्यंत 1437 ओमिक्रॉन (Omicron Count In India) बाधितांची नोंद करण्यात आली आहे. राज्यात गेल्या काही दिवसांपासून कोरोनाचे रुग्ण झपाट्याने वाढत आहेत. ओमिक्रॉन व्हेरियंटचे देखील रुग्ण वाढत चालल्याने देशासह राज्याची चिंता वाढली आहे. जानेवारीच्या तिसऱ्या आठवड्यात कोरोनाची तिसरी (Corona Third Wave) लाट येण्याची शक्यता वर्तवली जात असताना पुन्हा एकदा कोरोनाचा संसर्ग रोखण्यासाठी अनेक निर्बंध कडक करण्यात आली आहेत. (Covid Appropriate Behavior )

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top