व्हायरल ऑडिओ क्लीपनंतर बबनराव लोणीकरांनी वीजबिल भरलं

माजी मंत्री आणि भाजप आमदार बबनराव लोणीकर (Babanrao Lonikar) यांनी वीज कर्मचाऱ्याला (Mahavitaran) धमकावल्याचा आणि अपशब्द वापरल्याचा ऑडिओ क्लीप व्हायरल झाल्यानंतर राजकीय वर्तुळात चर्चेला उधान आलं. दरम्यान लोणीकरांनी ३ लाख २१ हजार आणि ६७ हजारांच्या रकमेचं वीजबिल भरल्याची माहिती महावितरणाने दिली आहे.

मिटर काढून नेल्यानंतर बबनराव लोणीकर यांनी वीज कर्मचाऱ्याला (Mahavitaran) धमकावल्याचा आणि अपशब्द वापरल्याचा धक्कादायक प्रकार समोर आला. या घटनेनंतर लोणीकर यांच्यावर गुन्हा दाखल करण्याचा इशारा वीज वितरण विभागाच्या अधिकाऱ्यांनी दिला. दरम्यान आज लोणीकरांनी वीजबिल भरलं आहे. एका माटरचे ३ लाख २१ हजार आणि दुसऱ्या मिटरचे ६७ हजारांचे बिल त्यांनी भरले.

वीज कर्मचाऱ्याला काय म्हणाले बबनराव लोणीकर

"नालायकांनो आम्ही बील भरतो. दोन मीटरचे मी दहा लाख रुपये बील भरलं आहे. तुमच्यामध्ये दम आहे का? हिंमत आहे का? झोपडपट्टीत जा, जे लोक आकडे टाकतात त्यांच्याकडे जा. एका मिनिटांत तुला मी घरी पाठवीन. तुला माज चढलाय का? नोटीस न देता आमचं मीटर तुम्ही कसं काय काढून नेलं?" "तीस वर्षांपासून मी आमदार आहे, मंत्रीही होतो. तुम्हाला अक्कल पाहिजे ६० हजार रुपयांसाठी आमचे मीटर नोटीस न देता काढून नेता. असे संभाषण व्हायरल झाले आहे.