Nitesh Rane: महाराष्ट्रातही आता धर्मांतरविरोधी कायदा आणा; नितेश राणेंची मागणी | Sakal
sakal

बोलून बातमी शोधा

Nitesh Rane
Nitesh Rane: महाराष्ट्रातही आता धर्मांतरविरोधी कायदा आणा; नितेश राणेंची मागणी

Nitesh Rane: महाराष्ट्रातही आता धर्मांतरविरोधी कायदा आणा; नितेश राणेंची मागणी

मुंबई : महाराष्ट्रातही आता धर्मांतरविरोधी कायदा आणा, अशी मागणी आमदार नितेश राणे यांनी केली आहे. राज्यात आता भगवाधारी सरकार आल्यानं इतर राज्यांप्रमाणं महाराष्ट्रातही हा कायदा आणावा अशा आशयाचं ट्विट राणे यांनी केलं आहे. (Bring anti conversion law now in Maharashtra demand by MLA Nitesh Rane)

महाराष्ट्रात आता भगवाधारी सत्तेत आहेत, त्यामुळं हीच वेळ आहे की उत्तर प्रदेश, मध्य प्रदेश, गुजरात आणि इतर राज्यांप्रमाणं आपणही धर्मांतरविरोधी कायदा आणावा. याद्वारे आपल्याला निपराध महिलांना जाळ्यात अडकवणाऱ्यांपासून आणि छळपासून संरक्षण करायला हवं. लवकरच याची सुरुवात होईल. जय श्रीराम!! असं ट्विट नितेश राणे यांनी केलं आहे.

हेही वाचा: खूशखबर! दहीहंडी, गणेशोत्सव यंदा धुमधडाक्यात; निर्बंधातून मुक्तता

महाराष्ट्रात मोठ्या प्रमाणावर महिल्यांच्या फसवणुकीचे प्रकार घडत आहेत. यामध्ये प्रेमप्रकरण, लग्नाचं आमिष याद्वारे मोठ्या प्रमाणावर धर्मांतर केल्याची उदाहरण समोर येत आहेत. गुजरात, मध्य प्रदेश, उत्तर प्रदेश, झारखंड या राज्यांनी धर्मांतरविरोधी कायदा तयार करुन अशा महिलांना न्याय दिला आहे. त्याचधर्तीवर महाराष्ट्रातही धर्मांतरविरोधी कायदा आणून या महिलांना न्याय मिळावा यासाठी आम्ही पाठपुरावा करणार आहोत, असं राणे यांनी म्हटलं आहे.

...तर आम्ही विरोध करु - आशिष शिंदे

दरम्यान, राणेंच्या या मागणीवर प्रतिक्रिया देताना ओमेगा ख्रिश्चन महासंघाचे प्रदेशाध्यक्ष आशिष शिंदे म्हणाले, "काही अनुचित प्रकार घडत असतील आणि कायद्याचा प्रश्न उपस्थित होत असेल तर आम्ही या मागणीचा विरोध करु. पण फसवणुकीच्या उद्देशानं जर असं घडत असेल तर कायद्यानुसार जरूर कारवाई व्हावी. आज शेतकऱ्यांचा प्रश्न आहे, पूरस्थिती आहे. राज्यातील अस्थिर राजकीय परिस्थिती अशा काळात लोकांचं लक्ष इतरत्र वळवण्यासाठी ही मागणी होत आहे असं तर नाही ना? असा प्रश्न निर्माण होतो"

Web Title: Bring Anti Conversion Law Now In Maharashtra Demand By Mla Nitesh Rane

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top