कोरोनाबाबत हलगर्जीपणा वाढतोय; खबरदारी गरजेची

पुणे : ‘आता कोरोना गेला...,’ अशा मानसिकतेतून सण-समारंभ, लग्न-कार्य पुन्हा सुरू झाली. पाठोपाठ, गावोगावच्या चुरशीच्या निवडणुका पार पडल्या. याच दरम्यान थंडीचा कडाका वाढला. या सर्वांचा परिणाम म्हणून राज्यात कोरोनाच्या रुग्णांची संख्या वाढली.

पुण्यासह राज्यात गेल्या आठवड्यापासून कोरोनाच्या रुग्णांची संख्या सातत्याने वाढत असल्याचे आकड्यांवरून दिसते. या पार्श्वभूमीवर कोरोनाबाधीतांचा आकडा वाढल्याची नेमकी कारणे काय, याची माहिती साथरोग रोग तज्ज्ञांकडून ‘सकाळ’ने घेतली. त्यातून हा निष्कर्ष साथरोग तज्ज्ञांनी काढला.

पुण्यातील इतर बातम्या वाचण्यासाठी क्लिक करा 

१.हवामानाचा परिणाम
उत्तर भारतात थंडीचा लाट पसरली आहे. त्याचा थेट परिणाम राज्यातील वातावरणावर होत आहे. राज्यातील बहुतांश भागात गेल्या आठवड्यात थंडीचा कडाका वाढला. किमान तापमानाचा पारा सरासरीपेक्षा कमी झाला आहे. हे एक रुग्णांची संख्या वाढण्यामागचे नैसर्गिक कारण आहे.

२. ग्रामपंचायत निवडणूका
राज्यात गेल्या महिन्याच्या मध्यावधीत ग्रामपंचायतीच्या निवडणूका झाल्या. राज्यातील १४ हजारांहून अधिक गावांमध्ये या निमित्ताने लोकांची गर्दी झाली. प्रचारासाठी हजारो नागरिकांची सातत्याने गर्दी होत होती. त्यातून मोठ्या प्रमाणात संसर्गाचा प्रसार झाला,
अशी एक शक्यता दिसते.

हेही वाचा - शंभरीच्या दिशेने पेट्रोलची घोडदौड सुरुच; सलग 8व्या दिवशी पेट्रोल-डिझेल दरवाढ

३ लग्न-कार्याच्या समारंभात वाढ
अनलॉकनंतर राज्यातील काही भागात मोठ्या प्रमाणात लग्न समारंभाचे आयोजन सुरू झाले. ग्रामीण भागात पुन्हा लग्नासाठी मोठी गर्दी होऊ लागल्याचे स्पष्ट दिसते. शेकडो-हजारो लोक या निमित्ताने एकत्र येतात.

४.शाळा-महाविद्यालयांमधून वाढलेल्या चाचण्या
आता शाळा-महाविद्यालये पूर्ववत सुरू होत आहे. त्यासाठी शाळेतील शिक्षक, महाविद्यालयातील प्राध्यापकांची तपासणी सुरू आहे. त्यातून पॉझिटिव्ह रुग्णांची संख्या वाढत आहे.

''कोरोनाची संख्या वाढत असली तरीही एकेक ‘अनलॉक’ करण्याची गरज आहे. फक्त ते करताना मास्क, सॅनिटाझर आणि सोशल डिस्टसिंग याचे काटेकोर पालन करणे आवश्यक आहे. तसेच, अनावश्यक प्रवास टाळाले पाहिजे. त्यातून कोरोना पुन्हा नियंत्रित ठेवता येईल.''
-डॉ. प्रदीप आवटे, साथरोग सर्वेक्षण अधिकारी, सार्वजनिक आरोग्य विभाग.

खोपोली नजीक द्रुतगतीवर भीषण अपघात; पाच जणांचा जागीच मृत्यू
राज्यात आतापर्यंत एक कोटी 32 लाख 57 हजार 330 जणांची प्रयोगशाळांमधून कोरोना चाचणी केली आहे. त्यापैकी 20 लाख 64 हजार 278 रुग्णांना (13.5 टक्के) कोरोना झाल्याचे निदान झाले. त्यापैकी सहा हजार 216 रुग्ण एकट्या पुणे जिल्ह्यातील आहेत.