चांदीवाल आयोगाची सुनावणी सुरू; ATS कडून आठशे पानांचा रिपोर्ट

मागील काही दिवसांपासून राज्यातील काही बड्या नेत्यांची आणि पोलिसांची चौकशी सुरु आहे. दरम्यान याप्रकरणी आज चांदीवाल आयोगाची सुनावणी सुरू झाली आहे. यात एटीएस अधिकाऱ्यांनी आयोगासमोर सुमारे 800 पानांचा तपास अहवाल ठेवला आहे. मात्र या अहवालात अनेक मुद्दे घेण्यात आलेले नाहीत. माजी गृहराज्यमंत्री अनिल देशमुख यांनी या अहवालाची एक प्रत मिळावी अशी मागणी केली आहे. हा अहवालात अँटिलिया प्रकरण आणि मनसुख हत्येशी संबंधित आहे.

दरम्यान, अनिल देशमुख यांनी या अहवालाची माहिती दिली, त्यावेळी परमबीर सिंग हे मास्टरमाईंड असल्याचे सांगण्यात आले होते. आता देशमुख यांना या अहवालाची प्रत हवी आहे. जेणेकरून ते हा अहवाल वाचून त्यातील सिंह यांच्याशी संबंधित तथ्य आयोगासमोर ठेवू शकतील. राज्याचे माजी गृहमंत्री अनिल देशमुख (Maharashtra Former Home Minister Anil Deshmukh) हे शंभर कोटी वसुलीच्या आरोपाखाली (Money Laundering Case) सध्या न्यायालयीन कोठडीत आहेत. तसेच त्यांची आणि सचिन वाझे यांची चांदीवाल आयोगाकडून (Chandiwal Commission) चौकशी केली जात आहे. नुकतीच सचिन वाझेच्या वकिलांनी देशमुखांची उलटतपासणी केली. यामध्ये देशमुखांनी काही दावे केले होते.