राज्यात टोळीचे सरकार चाललंय काय?; चंद्रकांत पाटलांचा सवाल

मुंबई : केंद्राची सुरक्षा असतानाही किरीट सोमय्या (kirit somaiya) यांना जीवे मारण्याचा प्रयत्न झाल्याचा आरोप करत सोमय्या यांच्यावरील हल्ला आम्ही सहजासहजी घेणार नाही, असा इशारा चंद्रकांत पाटील यांनी दिला आहे. घरात घुसू देणार नाहीत, नागपुरात फिरू देणार नाही, असे वक्तव्य करण्यात येत असल्याचे सांगत राज्यात टोळीचे सरकार चाललंय काय? असा खोचक प्रश्न देखील त्यांनी यावेळी उपस्थित केला. या प्रकरणाची सखोल चौकशीसाठी गृहमंत्री अमित शहा यांना पत्र पाठविले असल्याचेही चंद्रकांत पाटील यांनी यावेळी सांगितले. ते पत्रकार परिषदेत बोलत होते. (Chandrakant Patil Corner Maharashtra Government )

ते म्हणाले की, सोमय्या यांच्यावरील हल्ल्याची (Attack On Somaiya In Pune) घटना घडली त्यावेळी सुट्टी होती, असे असताना देखील महापालिकेत एवढा जमाव कसा जमला? असा सवाल उपस्थित करत त्यांनी पुणे महापालिकेत (PMC) असलेल्या सुरक्षा व्यवस्थेबाबत देखील प्रश्नचिन्ह उपस्थित केले. यावेळी त्यांनी ज्यांची घरं काचेची असतात त्यांनी दुसऱ्यांच्या घरावर दगडं मारण्याचे काम करू नये, असा टोमणा देखील शिवसेनेचे (Shivsena) नाव न घेता मारला आहे. 26 नोव्हेंबर 2019 ला विश्वास घात करून सत्तेत आलेल्या सरकारला 27 महिने होतील, या 27 महिन्यात अनेक उलथापालथ झाल्या, मंत्र्यांना राजीनामा द्यावा लागला. ठाकरे कुटुंबावर आरोप झाले पण कधी असे झाले नाही असे पाटील म्हणाले.

कोण आहेत हे देशमुख अनिल परब (Anil Parab) यांच्यावर आरोप करत आहेत. कोण आहेत परमबीर सिंग ज्यांनी आदित्य ठाकरे आणि उद्धव ठाकरेंवर आरोप केला. या सर्वांना धमक्या द्या असे म्हणत बाळासाहेब छत्रपती शिवाजी महाराज यांच्यासमोर गुडघे टेकायचे आम्ही बाळासाहेब ठाकरे यांच्यासमोर गुडघे टेकायचो, पण आता यांचे गुडघे टेकण्याचे चित्र बदलले असल्याचे चंद्रकांत पाटील म्हणाले.