मुंबईः भाजप प्रदेशाध्यक्ष चंद्रशेखर बावनकुळे यांना शनिवारी मराठा आंदोलकांनी काळे झेंडे दाखवून घोषणाबाजी केली. त्यानंतर रविवारी त्यांनी माध्यमांना प्रतिक्रिया दिली असून मुख्यमंत्री एकनाथ शिंदेंचा उल्लेख केला आहे. त्यापूर्वी त्यांनी आदित्य ठाकरे यांच्यावर टीका केली.
चंद्रशेखर बावनकुळे म्हणाले की, आदित्य ठाकरे यांच्याकडे बोलायला काही नाही म्हणून ते काहीही बोलत आहेत. सरकारमध्ये असताना जी कामं ते करू शकले नाहीत ती आताच्या सरकारने सुरू केली आहेत. त्यामुळे त्यांच्या पोटात दुखत आहे. त्यांना काहीतरी बोलून मीडियामध्ये आपला प्रेझेंटेशन करावं लागतं. मीडियामध्ये आपण दिसलं पाहिजे म्हणून ते काही ना काही उद्योग करत असतात.
मराठा आंदोलकांनी चंद्रशेखर बावनकुळे यांच्या रॅलीला काळे झेंडे दाखवून घोषणाबाजी केली होती. त्यामुळे त्यांना मराठा आरक्षणावरुन विचारलं. त्यावर ते म्हणाले की, मराठा आरक्षणावर मी वारंवार बोलत आहे. महाराष्ट्राचे मुख्यमंत्री एकनाथ शिंदे यांनी छत्रपती शिवरायांच्या समोर मानाचा मुजरा करून मराठा समाजास आरक्षण देण्याचा जाहीर निर्णय घेतलाय.
महाराष्ट्रातील सर्वच पक्षांनी एकमुखाने मराठा समाजास पाठिंबा दिला असून भाजपचाही संपूर्ण पाठिंबा आहे. उपमुख्यमंत्री देवेंद्र फडणवीस हे मुख्यमंत्री असताना सरकारने दिलेलं आरक्षण पुन्हा मराठा समाजास मिळावे, ही आमची सर्वांची मागणी आहे. आम्ही सगळे एकनाथ शिंदे यांच्या पाठीशी असून त्यांच्या मताशी सहमत आहोत. मुख्यमंत्री शिंदे मराठा आरक्षणाबाबत योग्य निर्णय घेतील, असं बावनकुळेंनी स्पष्ट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
