पुणे : टीईटी परीक्षा घोटाळा प्रकरणी 3,995 पानांचं चार्जशीट दाखल

पुणे : टीईटी परीक्षा घोटाळाप्रकरणी (TET Exam Fraud) पुणे पोलिसांनी मंगळवारी दोषारोप पत्र दाखल केलं. आरोपी सुकाराम सुपे (Tukaram Supe), सुखदेव ढेरेसह (Sukhdev Dhere) १५ जणांविरोधात ३,९९५ पानांचं हे दोषारोपपत्र दाखल करण्यात आलं आहे. अजूनही याप्रकरणी दहा ते बारा आरोपींचा शोध सुरु आहे. (Chargesheet filed in TET exam scam On Supe Dhere and 15 others Pune news)

टीईटी प्रकरणात अनेक खुलासे होत होते, अजूनही या प्रकरणाचा तपास सुरु आहे. आत्तापर्यंत जे पंधरा आरोपी यामध्ये निष्पण्ण झाले त्यामध्ये तुकाराम सुपे यांच्यासह अनेक महत्वाच्या लोकांचा समावेश आहे. या सर्वांवर आज पुणे पोलिसांनी चार्जशीट दाखल केली. जवळपास ३,९९५ पानी हे चार्जशीट आहे. या संपूर्ण घोटाळ्यात नक्की काय घडलं? यामध्ये कशा पद्धतीनं कट रचला गेला. याची माहिती पोलिसांनी दिली आहे. जवळपास दहा ते बारा लोकांचा यामध्ये शोध सुरु आहे.

जीए सॉफ्टवेअर या कंपनीचा या घोटाळ्यात कसा सहभाग होता. यामध्ये मुलांना पास करण्यासाठी त्यांनी काय काय गोष्टी केल्या. यामधील एजन्ट्स आणि संचालक यांच्या सहभागाचा संपूर्ण तपास झाल्यानंतर हे चार्जशीट दाखल करण्यात आलं आहे.