"सरकारी हँडलवरून तरी..."; नवाब मलिकांच्या फोटोमुळे चित्रा वाघ संतापल्या

चित्रा वाघ यांनी ट्विट करत आपला आक्षेप नोंदवला असून त्यांनी या ट्विटमध्ये अजित पवारांनाही टॅग केलं आहे.
chitra wagh
chitra waghesakal

महाविकास आघाडी सरकारमधले मंत्री नवाब मलिक यांना ईडीने अटक केली. त्यानंतर मलिकांच्या राजीनाम्याची मागणी सातत्याने होत होती. विरोधकांनी हा विषय सातत्याने लावून धरला होता. त्यानंतर अखेर मलिक यांच्याकडे असणाऱ्या खात्यांची जबाबदारी इतर मंत्र्यांना वाटून दिली असून मलिकांचं मंत्रिपद कायम ठेवण्यात आलं आहे. अशातच सरकारच्या एका पोस्टवरून भाजपा नेत्या चित्रा वाघ यांनी टीका केली आहे.

महाराष्ट्र सरकारने आपल्या अधिकृत ट्विटर खात्यावरून एक पोस्टर शेअर केलं आहे. ज्यामध्ये मंत्रिमंडळ निर्णयाविषयीची माहिती देण्यात आली आहे. यामध्ये नवाब मलिक यांचा फोटो लावण्यात आला आहे आणि या फोटोखाली अल्पसंख्याक मंत्री असं लिहिण्यात आलं आहे. यावर चित्रा वाघ यांनी आक्षेप घेतला आहे. आपल्या ट्विटमध्ये टॅग करत चित्रा वाघ यांनी आपला आक्षेप नोंदवला आहे.

आपल्या ट्विटमध्ये चित्रा वाघ म्हणतात, किमान सरकारी हॅण्डलवरून तरी चुकीचे ट्विट नको. नवाब मलिक हे मंत्रिमंडळात आहेत पण बिनखात्याचे मंत्री अल्पसंख्यक खात्याचा कारभार जितेंद्र आव्हाड यांच्याकडे दिला आहे तर त्यांचा फोटो घ्या आणि नवाब मलिक यांचाच फोटो घ्यायचा असेल तर खाली बिनखात्याचे मंत्री असे तरी लिहा.

२३ फेब्रुवारी रोजी नवाब मलिक यांना ईडीने अटक केली होती. त्यानंतर त्यांच्या राजीनाम्याची मागणी जोर धरू लागली होती. मात्र त्यांचा राजीनामा न घेता त्यांच्याकडच्या खात्यांचा पदभार इतर मंत्र्यांकडे सोपवण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com