'आम्ही दोघे दो दिल एक जान आहोत'; फडणवीसांच्या नाराजीच्या चर्चेवर CM शिंदे म्हणाले...

Eknath Shinde On Devendra Fadnavis angry Sada Sarvankar maharashtra politics
Eknath Shinde On Devendra Fadnavis angry Sada Sarvankar maharashtra politics esakal

दोन दिवसांपूर्वी मुंबई येथील प्रभादेवी येथे शिंदे गट आणि शिवसेनेच्या झालेल्या वादात आमदार सदा सरवणकर यांनी हवेत गोळीबार केला असल्याचा आरोप करण्यात आला. या प्रकरणानंतर उपमुख्यमंत्री देवेंद्र फडणवीस नाराज असल्याच्या चर्चेला उधाण आलं. दरम्यान, मुख्यमंत्री एकनाथ शिंदे यांनी फडणवीसांच्या नाराजीवर मोठं विधान करत होणाऱ्या चर्चेला पुर्णविराम दिला आहे.(Eknath Shinde On Devendra Fadnavis angry Sada Sarvankar maharashtra politics)

पैठण येथील सभा पार पडल्यानंतर एकनाथ शिंदे यांनी माध्यामांशी संवाद साधला. यावेळी त्यांनी अनेक विषयांवर भाष्य करताना फडणवीसांच्या नाराजी चर्चेवरही भाष्य केलं.

फडणवीस आणि मी एकसे भले दोन आहोत. आणि आम्ही दोघे दो दिल एक जान आहोत. एवढ लक्षात ठेवा. कारण, फडणवीस यांना मुख्यमंत्रीपदाचा पाच वर्षाचा अनुभव आहे. आता ते उपमुख्यमंत्री आहे. भाजपच्या ज्येष्ठ नेत्यांनी त्यांनी आदेश दिल्या नंतर त्यांनी तो मानला. हा आदर्श आहे. एक मोठे उदाहरण आहे. अशा शब्दात मुख्यमंत्री शिंदे यांनी फडणवीसांचे कौतुकही केले.

फडणवीसांच्या नाराजी चर्चेला उधाण...

गेल्या काही दिवसांपासून शिंदे गट आणि शिवसेना यांच्यात वाद सुरू असल्याचे पाहायला मिळत आहे. दोन दिवसापूर्वी मुंबईत हा वाद मोठा पेटल्याचे पाहायला मिळाले. प्रभादेवी येथे शिंदे गट आणि शिवसेनेच्या झालेल्या वादात आमदार सदा सरवणकर यांनी हवेत गोळीबार केला असल्याचा आरोप करण्यात आला आहे. आता यावरुन उपमुख्यमंत्री देवेंद्र फडणवीस यांनी मुख्यमंत्री एकनाथ शिंदे यांची वर्षा बंगल्यावर भेट घेऊन नाराजी व्यक्त केली असल्याची माहिती सूत्रांनी दिली आहे.

रविवारी रात्री उशीरा उपमुख्यमंत्री देवेंद्र फडणवीस यांनी मुख्यमंत्री एकनाथ शिंदे यांची भेट घेतली. या भेटीत फडणनीस यांनी शिंदे गट आणि शिवसेना यांच्यातील वादावर चर्चा केली असल्याचे बोलले जात आहे. शिंदे- फडणवीस यांचे सरकार स्थापन झाल्यापासून शिंदे गटातील आमदार वादाच्या भोवऱ्यात सापडत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com