अखेर 'त्या' शेतकऱ्याची मुख्यमंत्र्यांनी घेतली दखल!

मुंबई : कर्जबाजारी शेतकऱ्याने आपले म्हणणे मांडण्यासाठी चक्क मुख्यमंत्र्यांचा दरवाजा ठोठावल्यानंतर त्याला 8 वर्षाच्या मुलीसह पोलिसांनी ताब्यात घेतले. ही बाब समजल्यानंतर मुख्यमंत्री उद्धव ठाकरे यांनी त्या शेतकऱ्याची स्वत: दखल घेतली. आणि त्याला सोडून देण्याचे पोलिसांना आदेश दिले. 

- ताज्या बातम्यांसाठी डाऊनलोड करा ई-सकाळचे ऍप

शेतीची अवस्था आणि कर्जाचा डोंगर यामुळे त्रस्त असलेल्या देशमुख नावाचा शेतकरी मातोश्री बंगल्यावर आला होता. या शेतकऱ्याने आपल्यासोबत 8 वर्षाच्या मुलीलाही वांद्रे येथील मातोश्री बंगल्यावर आणले होते. आपले गाऱ्हाणे मांडण्यासाठी त्याने मातोश्रीमध्ये घुसण्याचा प्रयत्न केला. त्यामुळे त्याला पोलिसांनी ताब्यात घेतले होते. 

- सहकारी साखर कारखान्यांच्या नोकरभरतीला मनाई 

थोडा वेळ वाट पाहिल्यानंतर त्या शेतकऱ्याने मातोश्रीमध्ये शिरण्याचा प्रयत्न केला. तेव्हा बंदोबस्तावर तैनात असलेल्या पोलिसांनी त्यांना अडवले. आणि लहान मुलीसह त्यांना ताब्यात घेत पोलिस व्हॅनमध्ये बसवले. यादरम्यान पोलिस आणि शेतकऱ्यामध्ये शाब्दिक चकमक उडाली. त्यामुळे त्यांना पोलिसांनी खेरवाडी पोलिस स्टेशनमध्ये नेले. 

- भाजपच्या नेत्याची मनसेला ऑफर; शिवसेनेची जागा भरून काढणार?

'मातोश्री' बाहेर घडलेल्या या घटनेची दखल घेत मुख्यमंत्र्यांनी त्या शेतकऱ्याला सोडण्याचे आदेश पोलिसांना दिले. आणि त्यांच्या कामाची विचारपूस करण्यास सांगितले. तत्पूर्वी, मातोश्रीवर अनेक लोक आपले प्रश्न मांडण्यासाठी गर्दी करत असतात. त्यामुळे त्यांना आटोक्यात ठेवण्यासाठी कधीकधी असे वागावे लागते, असे मत पोलिसांनी व्यक्त केले.

- Video : कॅप्टन कोहली म्हणाला, 'टी-20 वर्ल्डकप जिंकायचाय, तर...'