विदर्भ, उत्तर महाराष्ट्रसह मराठवाड्यात थंडीचा जोर कायम, पुढील 24 तास थंडीचा कडाका

महाराष्ट्रासहीत देशाच्या काही भागात थंडीचा जोर कायम आहे. महाराष्ट्रात थंडी प्रचंड वाढली असून शहरी आणि ग्रामीण भागामध्येही थंडीची कहर सुरूच आहे. हवामान विभागाच्या माहितीनुसार महाराष्ट्रातील उत्तर महाराष्ट्र, मराठवाडा आणि विदर्भात पुढील 24 तास थंडीचा कडाका जाणवणार आहे.

हवामान विभागाने दिलेल्या माहितीनुसार विदर्भ, उत्तर महाराष्ट्र आणि मराठवाडा येथील तापमानात मोठी घट होणार असून थंडीचा जोर वाढणार आहे. विदर्भ, उत्तर महाराष्ट्र आणि मराठवाड्याच्या काही जिल्ह्यातील किमान तापमान 10 अंश सेल्सिअस खाली राहण्याचा प्राथमिक अंदाज ही वर्तवण्यात आलाय.