देशात सर्वाधिक कोरोना रुग्ण महाराष्ट्रात आढळत असून आज राज्यात मृतांचा आकडा वाढला आहे.
मुंबई - देशात सर्वाधिक कोरोना रुग्ण महाराष्ट्रात आढळत असून आज राज्यात मृतांचा आकडा वाढला आहे. दिवसभरात 669 रुग्णांच्या मृत्यूची नोंद झाली. यामध्ये मुंबई मनपा येथे सर्वाधिक 79 मृत्यूची नोंद झाली. पुणे मनपा 53 ,सोलापूर मनपा 30, यवतमाळ 28, सांगली येथे 25 मृत्यू नोंदवण्यात आले. राज्यातील मृत्यूचा दर 1.49 % इतका आहे.
नव्या रुग्णांचा आकडा गेल्या आठवड्याभरातील रुग्ण संख्येपेक्षा काहीसा कमी झाला आहे. दिवसभरात 56 हजार 648 नवीन रुग्णांची नोंद झाली. करोना बाधित रुग्णांची एकूण संख्या 47 लाख 22 हजार 401 झाली आहे.
गेल्या 24 तासात नोंद झालेल्या 669 मृत्यूंपैकी 350 मृत्यू हे मागील 48 तासातील तर 153 मृत्यू हे मागील आठवडयातील आहेत. तर 166 मृत्यू हे आठवड्यापेक्षा आधीचे आहेत. सध्या राज्यात 6 लाख 68 हजार 353 सक्रीय रुग्ण आहेत.
आजपर्यंत तपासण्यात आलेल्या 2 कोटी 76 लाख 52 हजार 758 प्रयोगशाळा नमुन्यांपैकी 47 लाख 22 हजार 401 (17.08 टक्के) नमुने पॉझिटिव्ह आले आहेत. सध्या राज्यात 39 लाख 96 हजार 946 व्यक्ती होम क्वारंटाईनमध्ये आहेत. तसंच 27 हजार 735 व्यक्ती संस्थात्मक क्वारंटाईनमध्ये आहेत.
दिवसभरात 51,356 रुग्ण कोरोनामुक्त
रविवारी दिवसभरात 51 हजार 356 रुग्ण बरे होऊन घरी गेले. राज्यात आजपर्यंत एकूण 39 लाख 81 हजार 658 जण कोरोनामुक्त झाले आहेत. राज्यातील रुग्ण बरे होण्याचे प्रमाण 84.31 % एवढे झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
