राज्यातील रुग्णसंख्या वाढली! दिवसभरात 40 हजारच्या पार रुग्णसंख्या | Sakal
sakal

बोलून बातमी शोधा

Corona Updates

राज्यातील रुग्णसंख्या वाढली! काल दिवसभरात 40 हजारच्या पार

मुंबई: राज्यातील रुग्णसंख्या दिवसेंदिवस वाढत असून चिंतेचं वातावरण आहे. ओमिक्रॉन (Omicron) या नव्या कोरोनाच्या व्हेरियंटमुळे रुग्णसंख्या वाढताना दिसत आहे. देशात कोरोनाबाधितांची (Covid19) संख्या वेगाने वाढत चालली असून गेल्या चोवीस तासात देशभरात तब्बल १ लाख १७ हजार ९४ जणांना कोरोनाची लागण झाली आहे. देशातील एकूण रुग्णसंख्या पाहिली तर आतापर्यंत ३.५२ कोटीहून अधिक लोकांना कोरोनाची बाधा झाली आहे. त्यापैकी ३.४३ कोटी बरे झाले असून ४.८३ लाख जणांचा मृत्यू झाला आहे. सध्या साडेतीन लाख लोकांवर विविध रुग्णालयात उपचार सुरू आहेत. काल गुरुवारी राज्यात तब्बल ३६,२६५ नवीन रुग्णांचे निदान झाले तर १३ करोना बाधित रुग्णांच्या मृत्यूंची नोंद झाली. आज राज्यात ४०,९२५ नवीन रुग्णांचे निदान झाले आहे. तर राज्यात आज २० करोना बाधित रुग्णाच्या मृत्यूची नोंद झाली आहे. सध्या राज्यातील मृत्यूदर २.०७% एवढा आहे.

हेही वाचा: ओमिक्रॉन संसर्गाकडे दुर्लक्ष नको; जागतिक आरोग्य संघटनेचा इशारा

आज १४,२५६ रुग्ण बरे झाले आहेत. राज्यात आजपर्यंत एकूण ६५,४७,४१० करोना बाधित रुग्ण बरे झाले आहेत. सध्या राज्यातील राज्यातील रुग्ण बरे होण्याचे प्रमाण (Recovery Rate) ९५.८% एवढे झाले आहे.

आजपर्यंत तपासण्यात आलेल्या ७,०१,४६,३२९ प्रयोगशाळा नमनुयाांपैकी ६८,३४,२२२ (९.७४ टक्के) नमुने पॉझिटीव्ह आढळले आहेत. सध्या राज्यात ७,४२,६८४ व्यक्ती होम क्वारांटाईनमध्ये आहेत तर १४६३ व्यक्ती संस्थात्मक क्वारांटाईनमध्ये आहेत.

ओमिक्रॉनविषयक सध्यस्थिती

आज राज्यात एकही नवीन ओमिक्रॉन रुग्ण आढळलेला नाही. आजपर्यंत राज्यात एकूण ८७६ ओमायक्रॉनधवषाणूबाधित रुग्ण सापडले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top