Corona Update : राज्यात दिवसभरात ४३४२ रुग्णांची नोंद

मुंबई : राज्यात अॅक्टिव्ह रुग्णांची संख्या काहीशी वाढून 50,607 इतकी झाली. तर आज दिवसभरात ४३४२ नवे रुग्ण आढळून आले. तसेच 4,755 रुग्ण बरे होऊन घरी गेले. त्यामुळे कोरोनातून बरे होणाऱ्या रुग्णांची संख्या 62,81,985 इतकी आहे. राज्यातील रुग्ण बरे होण्याचे प्रमाण वाढून 97.04 टक्के एवढे झाले आहे.

राज्यात मृत्यूचा वाढलेला आकडा कमी झाला असून आज 55 रुग्णांच्या मृत्यूची नोंद झाली. बुधवारी 183 रुग्ण दगावले होते. राज्यातील मृत्यूदर 2.12 टक्क्यांवर पोहोचला आहे. त्यामुळे मृतांचा एकूण आकडा 1,37,551 इतका झाला आहे. नागपूर मंडळात एकाही मृत्यूची नोंद झाली नाही. तर ठाणे 9, नाशिक 16, पुणे 17, कोल्हापूर 6, औरंगाबाद 1, लातूर 4, अकोला 1 मृत्यू नोंदवले गेले.

 करोना बाधित रुग्णांची एकूण संख्या 64,73,674 झाली आहे. आजपर्यंत तपासण्यात आलेल्या 5,43,27,469 प्रयोगशाळा नमुन्यांपैकी 64,73,674 (11.92 टक्के) नमुने पॉझिटिव्ह आले आहेत. सध्या राज्यात 2,87,385 व्यक्ती होमक्वारंटाइनमध्ये आहेत तर 1,971 व्यक्ती संस्थात्मक क्वारंटाइनमध्ये आहेत.